Blog

ბათუმში, ძველი ბულვარის მიმდებარე ტერიტორიაზე, ერთ-ერთი მშენებარე ობიექტის ტერიტორიაზე აფეთქება იყო. სავარაუდოდ გაზი აფეთქდა.

როგორც ცნობილია, დაშავდა ერთი ადამიანი.  სასწრაფო-სამედიცინო დახმარების ექიმების ინფორმაციით, დაშავებულს ადგილზე გაეწია შესაბამისი პროცედურები მის სიცოცხლეს საფრთხე არ ემუქრება.

არსებული ინფორმაციით, სავარაუდოდ გაზის ბალონი აფეთქდა.

ადგილზე იმყოფებიან შსს-ს საგანგებო სიტუაციების მართვის სამსახურის თანამშრომლები.

დააკავეს. ამის შესახებ ინფორმაციას სახელმწიფო უსაფრთხოების სამსახურის  ინფორმაციით, დიდი ოდენობით თანხების მითვისებისა და გაფლანგვის ფაქტზე შპს “ენგურჰესში” შემავალი, შპს “კოდორიჰესების” დეპარტამენტის უფროსი დააკავეს.

დანაშაული 7-დან 11 წლამდე ვადით თავისუფლების აღკვეთას ითვალისწინებს.

სახელმწიფო უსაფრთხოების სამსახურის თანამშრომლების მიერ ჩატარებული ოპერატიული და საგამოძიებო ღონისძიებების შედეგად, დიდი ოდენობით თანხების მითვისებისა და გაფლანგვის ფაქტზე დაკავებულია შპს “ენგურჰესში” შემავალი, შპს „კოდორიჰესების“ დეპარტამენტის უფროსი.

საყურადღებოა, რომ ხსენებული შპს ოპერირებს ოკუპირებული აფხაზეთის ტერიტორიაზე.

დაკავებულმა პირმა სრულად ითანამშრომლა გამოძიებასთან და აღიარა ჩადენილი დანაშაული.

მას ბრალდება საქართველოს სისხლის სამართლის კოდექსის 182-ე მუხლის მე-2 ნაწილის “დ” ქვეპუნქტით და მე-3 ნაწილის „ბ“ ქვეპუნქტით წარედგინა, რაც 7-დან 11 წლამდე ვადით თავისუფლების აღკვეთას ითვალისწინებს.

მათთვის, ვინც მიიჩნევს, რომ საქართველოს ოკუპირებული ტერიტორიების გამოყენებით შეძლებს სახელმწიფოს კუთვნილი თანხების მითვისება-გაფლანგვას: მსგავსი დანაშაული არ დარჩება რეაგირების გარეშე ოკუპირებულ ტერიტორიებზე ჩადენის შემთხვევაშიც კი,” – წერია სუს-ის განცხადებაში.

“თქვენ ელოდეთ რასაც გინდათ, მე არაფერს არ ველოდები,” – ასე უპასუხა, “ქართული ოცნების” პრემიერმა, ირაკლი კობახიძემ ჟურნალისტის კითხვას,  ელოდება თუ არა სანქციებს.

“ორბანს მადლობა გადავუხადე მისი მრავალწლიანი მხარდაჭერისთვის ხალხის და ქვეყნის მიმართ. მისი მხარდაჭერა ძალიან მნიშვნელოვანი იყო. ვნახოთ, როგორ გაგრძელდება პროცესები. ჩვენ იმედი გვაქვს, რომ ჩვენ ხალხს და ქვეყანას მომავალშიც გამოუჩნდება ლობისტები, ძლიერი ლობისტები ევროკომისიაში, ევროკავშირში. მარტო უნგრეთი არ იყო ჩვენი მხარდამჭერი, სხვებიც გვიჭერდნენ მხარს, ამიტომ იმედი დავიტოვოთ რომ ქართველ ხალხს კვლავ ეყოლება მხარდამჭერები ევროკომისიაში და ევროპულ საბჭოში,” – განაცხადა კობახიძემ.

ევროკავშირთან ჩვენი შეთანხმების შემოღება, რომელიც უკრაინისთვის ორი წლის განმავლობაში 90 მილიარდი ევროს ოდენობის დახმარების პაკეტის განბლოკვას ითვალისწინებს, ამჟამად ეფექტურად მიმდინარეობს, ისევე როგორც ომის გამო რუსეთის წინააღმდეგ ახალი სანქციების პაკეტის დაწესება. განბლოკვა სწორი სიგნალია ამჟამინდელ ვითარებაში. რუსეთმა ომი უნდა დაასრულოს. ამის სტიმული მხოლოდ მაშინ შეიძლება წარმოიშვას, როდესაც უკრაინის მხარდაჭერაც და რუსეთზე ზეწოლაც საკმარისი იქნება.

უკრაინა ასრულებს თავის ვალდებულებებს ევროკავშირთან ურთიერთობებში – თუნდაც ისეთ მგრძნობიარე საკითხებში, როგორიცაა “დრუჟბას” ნავთობსადენის ექსპლუატაცია. ჩვენ ველით, რომ ევროპული მხარეც უზრუნველყოფს იმას, რაც საჭიროა სიცოცხლის რეალური დაცვისა და უკრაინის სრული ევროპული ინტეგრაციის წინსვლისთვის. მნიშვნელოვანია, რომ ევროპული დახმარების პაკეტი სწრაფად ამოქმედდეს.

ჩვენ ასევე ვისაუბრებთ ევროპელ ლიდერებთან უკრაინისთვის კლასტერების გახსნაზე – ამისთვის პირობები უკვე დაკმაყოფილებულია. ჩვენ ვაგრძელებთ მუშაობას რუსეთის წინააღმდეგ სანქციების გასაძლიერებლად და ევროპული ენერგეტიკული სისტემის შემდგომი განვითარებისთვის ისე, რომ რუსეთმა დაკარგოს ევროპის ენერგომომარაგების მანიპულირების უნარი.

მადლობას ვუხდი ყველას, ვინც გვეხმარება. დღეს და ხვალ განსაკუთრებით მნიშვნელოვანი დღეებია ჩვენი ევროპული დიპლომატიისთვის. დიდება უკრაინას!

წერს უკრაინის პრეზიდენტი, ვოლოდიმირ ზელენსკი სოციალურ ქსელში.

თუ ვინმეს რამე შესაცვლელი აქვს, ეს არის სწორედ ბრიუსელის ბიუროკრატია. მათ საქართველოსთან დამოკიდებულება უნდა შეცვალონ. ჩვენ ევროკავშირთან დიალოგზე უარი არასოდეს გვითქვამს, თუნდაც იმ მნიშვნელოვან საკითხებზე, რომლებზეც აქცენტს ხშირად თავად აკეთებენ ხოლმე. შესაბამისად, საქართველოს არაფერი აქვს შესაცვლელი. საქართველოს ხელისუფლება ხალხის მიერაა არჩეული და ის ჩვენი ქვეყნის საუკეთესო ინტერესებს იცავს.

თქვა “ქართული ოცნების” საგარეო საქმეთა მინისტრმა, მაკა ბოჭორიშვილმა.

სუს-ში გამართულ ბრიფინგზე ხელმძღვანელის პირველმა მოადგილემ ლაშა მაღრაძემ თქვა, რომ დაკავებული – უცხო ქვეყნის სპეცსამსახურის თანამშრომლების დავალებით აგროვებდა და გადასცემდა მათ ინფორმაციას.  როგორც ცნობილია,  ჯაშუშობისთვის დაკავებულ პირს დავალებული ჰქონდა საქართველოში ინფორმაციის შეგროვება სამართალდამცავი სტრუქტურების შესახებ.

“სახელმწიფო უსაფრთხოების სამსახურის კონტრდაზვერვის სამსახურის თანამშრომლების მიერ გატარებული კონტრდაზვერვითი ღონისძიებების შედეგად ჯაშუშობისთვის, უცხო ქვეყნის სპეცსამსახურის თანამშრომლების დავალებით ინფორმაციის შეგროვებისა და გადაცემის ბრალდებით დაკავებულია საქართველოს 1 მოქალაქე.

სისხლის სამართლის საქმეზე შეგროვებული მტკიცებულებებით დადგენილია, რომ დაკავებული პირი გადაიბირა უცხო ქვეყნის სპეცსამსახურმა და მას მიენიჭა შესაბამისი ფსევდონიმი – უცხო ქვეყნის სპეცსამსახურის თანამშრომელი საქართველოს მოქალაქეს გარკვეული ფულადი თანხის მიღების სანაცვლოდ, საქართველოს ინტერესების წინააღმდეგ, ავალებდა სხვადასხვა ხასიათის ინფორმაციის შეგროვებას, უცხოური სპეცსამსახურისთვის გადაცემის მიზნით.

გამოძიებით დადგენილია, რომ ჯაშუშობისთვის დაკავებულ პირს დავალებული ჰქონდა საქართველოში ინფორმაციის შეგროვება შემდეგი მიმართულებებით: საქართველოს სამართალდამცავი სტრუქტურების – სახელმწიფო უსაფრთხოების სამსახურის, შინაგან საქმეთა სამინისტროს, თავდაცვის სამინისტროს დისლოკაციის ადგილების, ძალებისა და საშუალებების შესახებ. ასევე, მათი დისლოკაციის ადგილების ფოტო და ვიდეო გადაღება. საქართველოში სტრატეგიული ობიექტების, მათ შორის ხიდების, საავტომობილო და სარკინიგზო მაგისტრალების და სხვა დანიშნულების ობიექტების განთავსების შესახებ, ასევე, აღნიშნული ადგილების ფოტო და ვიდეო გადაღება და სხვა”, – თქვა მან ბრიფინგზე.

ამასთან, ლაშა მაღრაძემ აღნიშნა, რომ “კონტრდაზვერვის დეპარტამენტის მიერ ანალოგიურ დანაშაულში ასევე მხილებულია საქართველოს 2 მოქალაქე, რომლებიც გადაბირებულ იქნენ ამავე უცხო ქვეყნის სპეცსამსახურის თანამშრომლების მიერ და მიღებული დავალების შესაბამისად, საქართველოს ინტერესების საზიანოდ ახორციელებდნენ სხვადასხვა ხასიათის ინფორმაციების შეგროვებას და უცხო ქვეყნის სპეცსამსახურის წარმომადგენლებისთვის გადაცემას”.

“საქმის სპეციფიცკურობიდან გამომდინარე, დანაშაულის დეტალების დეტალური სიზუსტით შესწავლის მიზნით, გამოძიების ფარგლებში, ხანგრძლივი დროის განმავლობაში მიმდინარეობდა შესაბამისი ოპერატიული და საგამოძიებო ღონისძიებები.

დაკავებულს ბრალდება ჯაშუშობისთვის წარედგინება, საქართველოს სისხლის სამართლის კოდექსის 314-ე მუხლის პირველი ნაწილით, რაც 8-დან 12 წლამდე თავისუფლების აღკვეთას ითვალისწინებს.

რაც შეეხება ზემოთ აღნიშნულ კიდევ ორ პირს, რომლებიც ამჟამად საქართველოში არ იმყოფებიან, მათ ჯაშუშობისთვის დაუსწრებლად წარედგინებათ ბრალდება საქართველოს სისხლის სამართლის კოდექსის 314-ე მუხლის პირველი ნაწილით. მიმალვაში მყოფი პირების მიმართ, ინტერპოლის მეშვეობით, გამოცხადდება საერთაშორისო ძებნა”, – თქვა ლაშა მაღრაძემ.