რაჭაში, შოვში ჩამოწოლილ მეწყერში მოყოლილი ყველა პირი ცოცხალია და ისინი კონტაქტზე იმყოფებიან.
ცნობისთვის, დაახლოებით 1 საათის წინ გავრცელდა ინფორმაცია, რომ რაჭაში, შოვში, მეწყერში 16 ადამიანი მოყვა. როგორც ადგილობრივები „საქართველოს ამბებს“ უცხადებენ მეწყერში მოყოლილ ადამიანებს შორის 6 არასრულწლოვანია.
შინაგან საქმეთა სამინისტრო, მეწყერთან დაკავშირებით განცხადებას ავრცელებს სადაც ნათქვამია, რომ მაშველები ადგილზე 2 ვერტმფრენით უკვე მიემგზავრებიან.
შინაგან საქმეთა სამინისტრო, რაჭაში შოვში ჩამოწოლილ მეწყერთან დაკავშირებით განცხადებას ავრცელებს სადაც ნათქვამია, რომ მაშველები ადგილზე 2 ვერტმფრენით უკვე მიემგზავრებიან.
“საზოგადოებრივ მართვის ცენტრ 112-ში შემოსულია არაერთი შეტყობინება შოვში მდებარე სასტუმრო „სანსეტ შოვში“ მეწყერის შედეგად მიწის მასის ჩამოშლასთან დაკავშირებით.
გვსურს საზოგადოებას მივაწოდოთ ინფორმაცია, რომ მომხდარის შესახებ ინფორმირებულია ყველა შესაბამისი უწყება, ადგილზე მობილიზებულია შესაბამისი ტექნიკა და ასევე, ხდება ტექნიკის დამატება.
შემთხვევის ადგილზე შინაგან საქმეთა სამინისტროს სასაზღვრო პოლიციის 2 ვერტმფრენით მიემგზავრებიან საგანგებო სიტუაციების მართვის სამსახურის მაშველები და სხვა საპოლიციო დანაყოფის წარმომადგენლები.
ამ ეტაპზე, დაშავებულების შესახებ დაზუსტებული ინფორმაცია არ არის, დამატებით ინფორმაციას ეტაპობრივად მოგაწვდით”, – ნათქვამია განცხადებაში.
ცნობისთვის, დაახლოებით 1 საათის წინ გავრცელდა ინფორმაცია, რომ რაჭაში, შოვში, მეწყერში 16 ადამიანი მოყვა. როგორც ადგილობრივები „საქართველოს ამბებს“ უცხადებენ მეწყერში მოყოლილ ადამიანებს შორის 6 არასრულწლოვანია.
რაჭაში, შოვში, მეწყერში 16 ადამიანი მოყვა. როგორც ადგილობრივები „საქართველოს ამბებს“ უცხადებენ მეწყერში მოყოლილ ადამიანებს შორის6 არასრულწლოვანია.
რაჭის გუბერნატორი პაპუნა მარგველიძე ”პირველ არხთან” აცხადებს, რომ მეწყერი სასტუმრო სანსეტ შოვის ტერიტორიაზე ჩამოწვა.
ადგილზე მოქალაქეები ვერტმფრენს ელოდებიან, რომლითაც ევაკუაცია მოხდება. სავარაუდოდ მეწყრული პროცესები რამდენიმე ადგილზეა განვითარებული, მისი ზუსტი მასშტაბები ჯერჯერობით უცნობია.
სხვა დეტალები ამ დროისთვის უცნობია.
„ქვეყნის ყველა სახელმწიფო მოხელემ რუსული ავტომობილით უნდა იაროს. ეს უფრო მოკრძალებული იქნება, ვიდრე ადრე, მაგრამ საშიში არაფერია. პირიქით, უფრო კარგიც არის. ყველა ჩვენ ჩინოვნიკს უნდა ესმოდეს, რომ საჭიროა რუსული ბრენდების, ავტომობილების და სხვა პროდუქციის განვითარება”,
რუსეთის ფედერაციის პრეზიდენტმა, ვლადიმერ პუტინმა სახელმწიფო მოხელეებს მხოლოდ და მხოლოდ რუსული წარმოების ავტომანქანებით „მოსკვიჩებითა“ „ლადებით” გადაადგილება უბრძანა.
გადახედეთ, ეს ადამიანები რა განცხადებებს აკეთებენ. ერთს ჰგონია, რომ ქვეყანას ჰყავს ბატონები და მათ უნდა ვემონებოდეთ. ადამიანებმა, რომლებიც ფიქრობენ, რომ მათ ჰყავთ ბატონი და არიან მონები, შეუძლებელია რაიმე სასიკეთო გაუკეთონ თავიანთ ქვეყანას. ხალხი ყველაფერს ხედავს, ნუ ჰგონიათ, რომ თავიანთი ტელევიზიების საშუალებით ვინმეს მოატყუებენ. საბედნიეროდ, დღეს ინფორმაციის ხელმისაწვდომობა არსებობს. ხალხი კარგად ხედავს, ვინ რას წარმოადგენს და ვის რა პოლიტიკური წარსული აქვს. როგორც წინა წლებში, ასევე 2024 წელს მოსახლეობის უმრავლესობა სწორ გადაწყვეტილებას მიიღებს.
აცხადებს თბილისის მერი, კახა კალაძე 2024 წლის საპარლამენტო არჩევნებისთვის ოპოზიციური პარტიების შესაძლო გაერთიანებებზე.
ნება მომეცით, შეგახსენოთ უდაო ჭეშმარიტება – არ აქვს მნიშვნელობა, რას ამბობს რუსეთი, რადგან ეს არის ქვეყანა, რომელიც ევროპაში უკანონო, არაპროვოცირებული, ფართომასშტაბიანი ომის ერთადერთი ავტორია. რუსეთი არის უდავო აგრესორი, რომლის ხელები იდაყვებამდეა ჩაფლული ომის დანაშაულების სისხლში, ხოცვაში და ქალაქების განადგურებაში. მხოლოდ ამ ფაქტმა უნდა განსაზღვროს მსოფლიოს დამოკიდებულება ომის მიმართ, სამართლიანი შედეგები პუტინის რეჟიმისთვის და ომის დასრულების სცენარი. დანარჩენი უმნიშვნელოა.
აცხადებს, უკრაინის პრეზიდენტის ადმინისტრაციის მრჩეველი, მიხაილო პოდოლიაკი Twitter-ზე.
მეგი გოგიტიძე ვლადიკავკაზში კონცერტების გაუქმების შემდეგ აცხადებს რომ ბათუმში აპირებს სიმღერას. მისი თქმით, კონცერტი 19 აგვისტოს, საზაფხულო თეატრში გაიმართება.
ამასთანავე სამოქალაქო აქტივისტი თაზო მახარაძე აცხადებს, რომ მეგი გოგიტიძე არის რუსი და ის ბათუმში კონცერტს ვერ გამართავს.
პირველ აგვისტოს ცნობილი გახდა, რომ ცხინვალში პოლიტიკოსებისა და მოქალაქეების პროტესტის შემდეგ ვლადიკავკაზში მეგი გოგიტიძის კონცერტები გააუქმეს. მას ომის 15 წლისთავზე უნდა ემღერა.
“ჩვენ ჯერ კიდევ წინა წელს გავმართეთ ბრიფინგი და ვთქვით, რომ რუსი კურატორები უმზადებდნენ “ქართულ ოცნებას” სასაუბრო “მესიჯბოქსებს”. შემთხვევითი არ არის მარია ზახაროვას, კობახიძის და “ხალხის ძალის” ნარატივებისა და “მესიჯების” დამთხვევა. თუ ამოვიღებთ ბოლო პერიოდში ამ რუსულ “მესიჯბოქსს”, ვნახავთ, რომ კობახიძესა და ზახაროვას შორის მხოლოდ სქესშია სხვაობა, მიდგომებსა და დამოკიდებულებებში განსხვავება არ არის,”
ამის შესახებ ჟურნალისტებთან “სტრატეგია აღმაშენებლის” დეპუტატმა პაატა მანჯგალაძემ განაცხადა.
საქართველოს მესამე პრეზიდენტი სოციალურ ქსელში წერს, რა განსხვავებაა მისი ხელისუფლების დროს რუსეთის მოქალაქეებისთვის უვიზო რეჟიმის შემოღებასა და დღევანდელ ვითარებას შორის. სააკაშვილი წერს, რომ ახლა უშიშროების მაღალჩინოსნები რუს მზვერავებს და ჯაშუშებს ტრაპთან ხვდებიან, სუფრას უშლიან და საიდუმლო ობიექტებზე ექსკურსიაზე დაატარებენ:
“ხაზი მინდა გავუსვა რამდენიმე მნიშვნელოვან დეტალს რუსეთთან უვიზო მიმოსვლის საკითხთან დაკავშირებით:
ჩემი პრეზიდენტობის პერიოდში უვიზო რეჟიმის ვადა რუსეთის მოქალაქეებისთვის იყო 3 თვე, ჩვენს უშიშროების სამსახურებში მუშაობდნენ პატრიოტები და საქართველოში რუსული დაზვერვის ქსელი იყო განადგურებული.
უვიზო მიმოსვლის ამოცანას წარმოადგენდა ის, რომ რუსებს ენახათ, თუ როგორი წარმატებული სახელმწიფო ვართ, არ დაეჯერებინათ რუსული პროპაგანდისთვის და მოეთხოვათ რეფორმები რუსეთში, რაც იყო ძალიან მნიშვნელოვანი საქართველოს უსაფრთხოებისთვის.
ისინი პირდაღებულები და შოკირებულები დადიოდნენ ჩვენს ქუჩებში და უყურებდნენ ახალ საქართველოს.
ახლა კი, უშიშროების მაღალჩინოსნები რუს მზვერავებს და ჯაშუშებს ტრაპთან ხვდებიან, სუფრებს უშლიან და საიდუმლო ობიექტებზე ექსკურსიებზე დაატარებენ.
ჩვენი საიდუმლო რუკები და მონაცემთა ბაზებიც კი გადასცეს რუსეთს.
დღეს, 1-წლიანი უვიზო რეჟიმის პირობებში რუსეთის მოქალაქეები ბიზნესებს საქართველოში, როგორც ლეგალურად, ასევე არალეგალურად იწყებენ.
ისინი არ იხდიან გადასახადებს. შესაბამისად, უფრო იაფად სთავაზობენ სერვისებს მომხმარებლებს.
აქედან გამომდინარე, ქართულ კომპანიებს ართმევენ შემოსავალს და იკავებენ ჩვენს სამუშაო ადგილებს.
რუსეთის მოქალაქეებმა საქართველოში შექმნეს ავტონომიური სისტემა, სადაც ერთმანეთს სხვადასხვა სერვისსა და მომსახურებას აწვდიან, ქმნიან დახურულ ქსელებს, ყიდულობენ და აქირავებენ უძრავ ქონებას, რომელიც არ არის ხელმისაწვდომი ქართველებისთვის და ქართული კომპანიებისთვის.
კორუფციული სქემების დახმარებით ისინი მასობრივად იღებენ საქართველოს მოქალაქეობას და ყიდულობენ ქართულ მიწებს, რაც განსაკუთრებით საშიში მოვლენაა“, – წერს სააკაშვილი.
ბრიტანულმა სამხედრო-ინდუსტრიულმა კონცერნმა BAE Systems-მა, უკრაინის ომის წყალობით, 66 მილიარდ ფუნტ სტერლინგის (84 მილიარდი აშშ დოლარი) შეკვეთები მიიღო, რაც მისი არსებობის მანძილზე რეკორდული მაჩვენებელია. მთავარი ახალი მომხმარებლები არიან ქვეყნები, რომლებიც ხელახლა იარაღდებიან და ავსებენ თავიანთ არსენალს უკრაინისთვის იარაღის გადაცემის შემდეგ.
შეკვეთების რეკორდული პაკეტის შესახებ BAE Systems-მა ოთხშაბათს გამოაცხადა, როცა ამ წლის შემოსავლის კორექტირებული პროგნოზით წარადგინა, იტყობინება Times.
მხოლოდ ბოლო ექვსი თვის განმავლობაში, კონცერნმა მიიღო 21 მილიარდი ფუნტი სტერლინგის შეკვეთები, მათ შორის ასობით საბრძოლო მანქანის შეკვეთა ჩეხეთიდან 1,8 მილიარდი ფუნტით, 3,7 მილიარდი ფუნტის შეკვეთა საუდის არაბეთიდან Typhoon–ს განმანადგურებლებზე, და 2,4 მილიარდის შეკვეთა თავად დიდი ბრიტანეთისგან ახალ წყალქვეშა ნავებზე.
გარდა ამისა, ბრიტანეთის თავდაცვის სამინისტრომ მანამდე შეუკვეთა 280 მილიონი ფუნტის ღირებულების 155 მმ-იანი ჭურვები და სხვა საბრძოლო მასალა, უკრაინისთვის გადაცემული საბრძოლო მასალების ჩასანაცვლებლად.
თავად უკრაინიდან შეკვეთები ზოგად ფონზე მცირეა, მაგრამ BAE Systems-მა ცოტა ხნის წინ გამოაცხადა, რომ აპირებს ტანკებისა და არტილერიის წარმოებისა და შეკეთების ცენტრის აშენებას თავად უკრაინაში, ხოლო კონცერნის ხელმძღვანელმა ჩარლზ ვუდბერნმა ოთხშაბათს განაცხადა, რომ ამ ცენტრის შექმნასთან დაკავშირებით საქმე წინ მიდის:ჯერჯერობით წარმომადგენლობითი ოფისის გახსნაზე მოლაპარაკებები მიმდინარეობს, შემდეგ კი ბრიტანელები ადგილობრივ პარტნიორთან აპირებენ მუშაობას.
BAE Systems აწარმოებს იარაღის ფართო სპექტრს, ბირთვული წყალქვეშა ნავებიდან და Typhoon გამანადგურებლებიდან დაწყებული საბრძოლო მასალებით დამთავრებული.