Category: ახალი ამბები

80 წლის მომღერალი ხულიო იგლესიასი დომინიკის რესპუბლიკის აეროპორტში საკვების ჩემოდნით დააკავეს, იუწყება Dominican Today.

მომღერალს, რომელიც აქ ბაჰამის კუნძულებიდან ჩაფრინდა, მებაჟეებმა 40 კგ-ზე მეტი საკვები, მათ შორის ხორცი, კენკრა, ბოსტნეული და ხილი აღმოუჩინეს. სანიტარული რეგულაციები ბევრ ქვეყანაში, მათ შორის დომინიკის რესპუბლიკაში, კრძალავს ასეთი საქონლის იმპორტს კერძო პირების მიერ. შედეგად, იგლესიასი რამდენიმე საათის განმავლობაში დააკავეს, მოგვიანებით კი ჩემოდნის შიგთავსი ამოიღეს. მომღერლის დაკავება საბაჟო წესების დარღვევის ფაქტზე პირველად არ მომხდარა.

ხულიო იგლესიასი მსოფლიოში ერთ-ერთი ყველაზე ცნობილი ესპანურენოვანი შემსრულებელია. მისი დისკოგრაფია მოიცავს ათეულობით ალბომს. ის მრავალი ჯილდოს, მათ შორის გრემის მფლობელია და ჰოლივუდის დიდების ხეივანში მისი ვარსკვლავიც არსებობს. 

ყირიმი უკრაინის ტერიტორიის ყველაზე მნიშვნელოვანი ნაწილია, რომელიც ჯერ კიდევ ოკუპირებულია რუსეთის მიერ.[…]ს არის ის, რასაც ჩვენ ვეძახით „გადამწყვეტ ტერიტორიას“ და ვინც ყირიმს გააკონტროლებს, ჩემი აზრით, ის მოიგებს ამ ომს. არა მგონია, უახლოეს მომავალში მოხდეს სახმელეთო შეტევითი ოპერაცია ნახევარკუნძულზე, მაგრამ, ასეა თუ ისე, ეს უკვე მოძველებული აზროვნების გზაა. ვგულისხმობ, რომ პირველ რიგში, მნიშვნელოვანია ყირიმი გამოუსადეგარი გახდეს რუსული ჯარისკაცებისთვის.[…]პირველი არის უკანონოდ აშენებული ქერჩის ხიდი და მეორე არის ეგრეთ წოდებული სახმელეთო დერეფანი, რომელიც გადის როსტოვიდან აზოვის სანაპიროს გასწვრივ მარიუპოლისა და ბერდიანსკის გავლით ყირიმამდე და ვფიქრობ, რომ შესაძლებელია ორივე მარშრუტის მოჭრა. შორ მანძილზე ზუსტი სროლით“,

ამის შესახებ გადამდგარმა გენერალ-ლეიტენანტმა, ევროპაში აშშ-ის ჯარების ყოფილმა მეთაურმა, ბენ ჰოჯსმა გამოცემა Sestry-თან ინტერვიუში განაცხადა.

ბაქოში, ავეჯის სახელოსნოში მომხდარი აფეთქების შედეგად საქართველოს მოქალაქე დაიღუპა.

აღნიშნულ ინფორმაციას, საგარეო საქმეთა სამინისტროში ადასტურებენ.

“დადასტურდა საქართველოს მოქალაქის გარდაცვალების ფაქტი. საქართველოს საელჩო აზერბაიჯანის რესპუბლიკაში კავშირზეა დაღუპულის ოჯახის წევრებთან”, – ნათქვამია უწყების განცხადებაში.

გარდაცვლილი 35 წლის სერრაჯ იუსიბოვია, რომელიც ბოლნისის მუნიციპალიტეტის სოფელ ნახიდურში ცხოვრობდა. არსებული ცნობით, ის ბაქოში სამუშაოდ იყო წასული.

შემთხვევა გუშინ, 15 იანვარს, ახუნდოვის ქუჩაზე მდებარე ავეჯის სახელოსნოში მოხდა. შემთხვევის დროს დაიღუპა 7 და დაშავდა 24 ადამიანი.

თბილისში ახალგაზრდა კაცს, დათი გავაშელს ეძებენ. ბოლო ცნობებით, 08:25 საათის მდგომარეობით, ნაპოვნია მისი ძაღლი, ლაბრადორის ჯიშის, რომელთან ერთადაც მანამდე კაცი შენიშნეს.

“ჩემი მეუღლე დათი გავაშელი დაიკარგა გუშინ 5 საათისთვის.გთხოვთ ყველას დამეხმარეთ ყველა წუთს აქვს მნიშვნელობა! არის ძალიან თხლად ჩაცმული და უკვე 17 საათია ქუჩაშია. ბოლოს ნახეს ღამის 3 საათზე დიღმის ტერიტორიაზე. ვეძებთ უშედეგოდ. თუ ვინმე შენიშნავთ დამირეკეთ 591000220. ძალიან გთხოვთ დამეხმარეთ მხოლოდ თქვენი იმედი გვაქვს რადგან პოლიცია იმედს ვერ გვაძლევს და უკვე დიდი დროა გასული ” – წერს, დათი გავაშელის ცოლი.

“თუ დასავლეთი ვერ შეძლებს რუსეთის შეჩერებას უკრაინაში, სხვას ვის შეუძლია შეაჩეროს იგი მსოფლიოს სხვა ნაწილებში? იარაღი რომც დაგვმთავრდეს, ნიჩბებით ვიბრძოლებთ, რადგან უკრაინისთვის აქ სასწორზე ამ ერის არსებობა დევს”.

ამბობს უკრაინის საგარეო საქმეთა მინისტრი, დმიტრო კულება ABC NEWS-სთვის მიცემულ ინტერვიუში.

ბაქოში, ავეჯის საწარმოში აფეთქების შედეგად დაღუპულთა რიცხვი, 6-მდე გაიზარდა.

დაშავებულია 24 ადამიანი.

ინფორმაციას ადგილობრივი მედია ავრცელებს.

ხვალ, 16 იანვარს თბილისის ნაწილს ელექტრომომარაგება დროებით შეუწყდება.

თელასი მიზეზად გადაუდებელ სამუშაოებს ასახელებს.

მთაწმინდის რაიონი

გადაუდებელი სამუშაოების გამო 12:00 საათიდან 15:00 საათამდე შეზღუდვა შეეხება: თავისუფლების მოედნის მიმდებარე ტერიტორიის მოსახლეობას.

ნაძალადევის რაიონი

გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: თემქის დასახლების XI მიკრორაიონის I კვარტლის, ზღვისუბნის დასახლების X კვარტლის, გურამიშვილის გამზირის (ნაწილობრივ), ცოტნე დადიანის (ნაწილობრივ), ანაპის 414-ე დივიზიის, ლომთათიძის, ბეჟანიშვილიუს, მექანიზაციის, ჩარგლის, მოლითის, ერისთავის, ღოღობერიძის, ტოროშელიძის, ქსოვრელის, კნოლევის, ქართველიშვილის, ღრმაღელის და ინდუსტრიის ქუჩების მოსახლეობას.

კრწანისის რაიონი

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის, მტკვრის მარჯვენა სანაპიროს, ნადიკვარის (ნაწილობრივ), ორთაჭალის, ნიშნიანიძის, ერეკლე მეორის, ტყავის, კოტე აფხაზის, შარდენის, სიონის, თუმანიანის, ბამბის რიგის, სანაპიროს, გორგასლის, გურამიშვილის, სადგურის, იერუსალიმის, ღვინის, ხანძთელის, საიათნოვის, თონეთის და აბოვიანის ქუჩების მოსახლეობას.

“”5%-იანი ბარიერის დაძლევა, ათკაციანი, გინდაც ოცკაციანი საპარლამენტო ფრაქცია, სრულიად უინტერესოა ჩემთვის. პირადად მე, მზად ვარ ყველანაირი დათმობისთვის ერთობის მიღწევის მიზნით, მათ შორის, ცალმხრივი დათმობისთვისაც, სხვას თუ კომპრომისებისთვის გამბედაობა, კეთილგონიერება და პირადზე მაღლა საერთო ინტერესის დაყენების პრობლემა ექნება.

მე მაინტერესებს ცვლილებები და სიახლეები. თანამდებობებიც მქონია და გავლენაც. ამისთვის პოლიტიკაში მობრუნება ნამდვილად არ მჭირდება.. პოლიტიკაში მოვდივარ იმიტომ, რომ ერთად შევცვალოთ. პოლიტიკაში მოვდივარ იმიტომ, რომ დემოკრატია და თავისუფლება ერთხელ და სამუდამოდ და შეუქცევადად მოვიპოვოთ.

პოლიტიკაში მოვდივარ იმიტომ, რომ ქვეყნის მართვაში გზა გავუხსნათ ახალ ხალხს და პოლიტიკურ ელიტაში თაობათა ცვლა მაქსიმალურად დაჩქარდეს. პოლიტიკაში მოვდივარ იმიტომ, რომ არ იყოს შურისძიება. პოლიტიკაში მოვდივარ იმიტომ, რომ ეს საჭირო მგონია აქ და ახლა. პოლიტიკაში მოვდივარ იმიტომ, რომ საერთო ბრძოლა გავაძლიერო.

შეკითხვაზე “ამ მიზნების მისაღწევად ვის ველაპარაკები ან დაველაპარაკები”, გპასუხობთ: ყველას”,

აცხადებს, “მთავარი არხის” დამფუძნებელი, ნიკა გვარამია და ასევე შესაძლო პოლიტიკურ პარტნიორობაზე ამბობს, რომ თავისი მიზნების მისაღწევად “ყველას” დალაპარაკება.