newsreport.ge

Category: ახალი ამბები

  • გამოიყენეთ თქვენი ხმა – თუ თქვენ არ შემოხაზავთ, ბიძინა ივანიშვილი დგას და ლავროვს ხაზავს! – გრიგოლ გეგელია

    „ამ მომენტისთვის „ლელო“ არავითარ მოლაპარაკებაში არაა ჩართული, მითუმეტეს, საერთო ოპოზიციურ მოლაპარაკებებში. ჩვენ ძალიან ნათლად გვაქვს გაცხადებული, რომ ჩვენთვის საინტერესოა შუა საქართველოს აქტიურობა, ყველა ისეთი ადამიანისა, ვინც ორი პოლუსის წინააღმდეგია, რომელიც საბრძოლველადაა განწყობილი, რომ რუსების შემოსევა, რუსეთის ხელისუფლება დამთავრდეს, იმისათვის, რომ გაზრდილი ფასები, კონტროლს მიღმა დარჩენილი რუსული მიგრაციის ნაკადი შეწყდეს, რადგან დიახ, ამან გაზარდა ფასები, დიახ, ქართველები გადიან ქვეყნიდან მაშინ, როცა რუსები შემოდიან, მათ აძლევენ სასოფლო-სამეურნეო მიწებს. ჩვენ ყოველთვის ვამბობდით, რომ ჩვენი მიზანი ივანიშვილის დამარცხება და ამისთვის სწორი კონფიგურაციის ხელშეწყობაა. თუ ჩვენ ასეთს დავინახავთ ჩვენი თანამონაწილეობით, რა თქმა უნდა, საზოგადოება ამასთან დაკავშირებით შეიტყობს, მაგრამ ამ მომენტისთვის, ამ კუთხით რამე ხელშესახები სიახლე, ან მოლაპარაკება არ გვაქვს, თუმცა, არსებობენ ადამიანები და მხარეები, რომლებიც უფრო საინტერესო პარტნიორები არიან, ვიდრე ზოგიერთი სხვა. ჩვენ პოტენციურად არ ვართ ისეთ რეჟიმში, სადაც არ განვიხილავთ საერთოდ ვიღაცასთან ურთიერთობას, მაგრამ კონკრეტულად ამ წამს არავითარი მოლაპარაკებები „ლელოს“ არ აქვს.[…]არანაირი სახელმწიფო დღეს აღარ არსებობს, დღეს არსებობს ბიძინა ივანიშვილის სახალიფო თუ საფაშო, ეს უნდა დავამთავროთ წელს, შემოდგომაზე. ჩვენ უპირველეს ყოვლისა, უნდა ვიმუშაოთ ორი კუთხით. პირველი, არნახული ოდენობით ხალხი უნდა გამოვიდეს, ეს არის შანსი ყველასათვის, რომ საკუთარი ძალიან მკაფიო პოზიცია დააფიქსიროს, რადგან თუ ბევრი ადამიანი გამოვა, არჩევნები ვერ გაყალბდება. რაღაც დონეზე შეიძლება გაყალბებას შეეცადონ და აუცილებლად შეეცდებიან, აუცილებლად რაღაც ნიშნულს გააყალბებენ, რაც გამოუვათ, მაგრამ დიდი მობილიზების შემთხვევაში, არჩევნებს ვერ გააყალბებენ, ეს არითმეტიკულად გამორიცხულია. ამიტომ ყველამ უნდა შევახსენოთ საზოგადოებას, ვისაც არ უნდა აძლევდეთ ხმას, გამოიყენეთ თქვენი ხმა, თუ თქვენ არ შემოხაზავთ, ჩათვალეთ, რომ ბიძინა ივანიშვილი დგას და ლავროვს ხაზავს. დიახ, თქვენს ხმას ხაზავს, ბიულეტენს იღებს ივანიშვილი ლავროვის და პუტინის შემოსახაზად. თუ ყველა გამოვა და საკუთარი ხმის უფლებას გამოიყენებს, ვერ გაყალბდება ეს არჩევნები, გამოდით და მიეცით ხმა. მეორე – ბერლინში, ბრიუსელში, უამრავ სხვადასხვა ქალაქში, სადაც ორმხრივი შეხვედრები გვქონია, ყველგან გვაქვს წარმომადგენლების საკითხი დაყენებული. ყველა სახელმწიფოს კარგად ესმის, რომ დიდი რაოდენობით დამკვირვებლები უნდა გამოგზავნონ, ამას ძალიან დიდი და მნიშვნელოვანი გავლენა ექნება“,

    ამის შესახებ „ლელოს“ საგარეო მდივანმა გრიგოლ გეგელიამ ტელეკომპანია „პალიტრანიუსის“ გადაცემაში „დღის ნიუსრუმი“ განაცხადა.

  • ლელოს შეუძლია, რომ საქართველოში ხანდაზმულ მოქალაქეს ჰქონდეს 1000-ლარიანი პენსია – კუპრაძე

    რამდენი შეუძლია ლელოს, რომ პენსია შესთავაზოს მოქალაქეებს და ეს დაპირება იყოს რეალური თავისი ეკონომიკური დასაბუთებით, რომელიც ხელში მიჭირავს, ეკონომიკური გეგმით, ეს არის 1000 ლარი. ლელოს შეუძლია, რომ შეასრულოს ის პირობა, საქართველოში ხანდაზმულ მოქალაქეს ჰქონდეს 1000-ლარიანი პენსია. ამ 1000-ლარიანი პენსიის დასაბუთება ძალიან მარტივია. რა ვადაში შეიძლება იყოს ეს ყველაფერი? ეს არის პირველივე ვადა, 4-წლიანი ვადა, რომლის შესაძლებლობაც პირდაპირ იძლევა, რომ 1000 ლარზე აიყვანო საქართველოში ხანდაზმულთა პენსია, რომლებიც შიმშილობენ, მედიკამენტებზე არ ყოფნით შესაძლებლობა. რომ გადახედოთ ბაზრობებს და იმ სივრცეებს, სადაც ყველაზე გაჭირვებული ადამიანები მუშაობენ, ძირითადად არიან სწორედ ხანდაზმულები, სწორედ პენსიონერები. პირველივე 30 დღეში შეიძლება, რომ 200-დან 300 ლარამდე მატება შევთავაზოთ.

    განაცხადა ამის შესახებ, პარტია ლელოს გენერალურმა მდივანმა, ირაკლი კუპრაძემ ტვ პირველის ეთერში.

  • წერეთლის გამზირის გადამკვეთ ქუჩებზე მოძრაობა ეტაპობრივად შეიზღუდება – მერია

    დიდუბის რაიონში, აკაკი წერეთლის გამზირზე საგზაო სამუშაოების ბოლო ეტაპი მიმდინარეობს, რის გამოც, წერეთლის გამზირზე, “დინამო არენას” მიმდებარე ტერიტორიიდან შოთა შალიკაშვილის სახელობის ხიდამდე არსებულ საგზაო მონაკვეთში, წერეთლის გამზირის გადამკვეთ ქუჩებზე მოძრაობა ეტაპობრივად შეიზღუდება. ინფორმაციას დედაქალაქის მერია ავრცელებს.

    “კერძოდ, შეზღუდვა შეეხება ცაბაძის, ფიფიების, გორის, ბათუმის, ფოთის, ბაგრატიონის, ევდოშვილის, თემურ ფიფიას, კედიას, ვანის, ბაქრაძის, სტანისლავსკისა და სამტრედიის ქუჩებს, სადაც ასფალტის საფარის დაგების პროცესში საავტომობილო მოძრაობა მონაცვლეობით შეიზღუდება”, – აღნიშნულია განცხადებაში.

  • გარშემო ცეცხლის რკალია, ჩვენ ლამის, ერთადერთ მშვიდობის ოაზისად ვრჩებით – პაპუაშვილი

    ჩვენ ძალიან რთული 2 წელი გავიარეთ, სადაც სხვადასხვა მხრიდან მუდმივი თავდასხმის ობიექტები ვიყავით. იმის გათვალისწინებით, რომ წელს ბევრ ქვეყანაში არჩევნებია, მოსალოდნელია, რომ ასევე იქნება მწვავე გეოპოლიტიკური მდგომარეობა იქნება. ამას ემატება უკრაინის ომის შემდეგ, ისრაელში არსებული ვითარება დაემატა, ამ დღეებში ვხედავთ ირანსა და პაკისტანის შორის იერიშებს. ასე რომ, ჩვენ გარშემო, ფაქტობრივად, ცეცხლის რკალია და ჩვენ ერთ-ერთ და, ლამის, ერთადერთ მშვიდობის ოაზისად ვრჩებით. ამ მშვიდობის ოაზისს შენარჩუნება უნდა და ამას წელს სჭირდება განსაკუთრებული კონცენტრირება და ერთსულოვნება ჩვენი საზოგადოების და ჩვენი პოლიტიკური გუნდის.

    განაცხადა პარლამენტის თავმჯდომარემ, შალვა პაპუაშვილმა პირველი არხის ეთერში.

  • ნატოს სამხედრო კომიტეტის ხელმძღვანელი: ჩვენ უნდა მოვემზადოთ იმისთვის, რომ რუსეთთან ომი უახლოეს 20 წელიწადში დაიწყება

    ნატოს სამხედრო კომიტეტის თავმჯდომარემ, ჰოლანდიელმა ადმირალმა რობ ბაუერმა თქვა, რომ ალიანსმა თავისთავად  ნაგულისხმევად არ უნდა მიიღოს, რომ ის გააგრძელებს მშვიდობიან ცხოვრებას და უნდა მოემზადოს რუსეთთან ომისთვის, რომელიც დიდ გავლენას მოახდენს რიგით ადამიანებზე.

    ბაუერის  განცხადებების უფრო სრული ციტირება ბრიტანული Daily Telegraph-ის პარასკევის გამოცემაში (paywall) მოხდა , რომელმაც მთავარ გვერდზე გამოიტანა სათაური: „ნატო გვაფრთხილებს რუსეთთან ომის შესახებ მომდევნო 20 წლის განმავლობაში“.

    „ჩვენ უნდა გვესმოდეს, რომ მშვიდობიან მდგომარეობაში ცხოვრება თავისთავად და გარანტირებულად არ მოხდება. და ამიტომ ვემზადებით რუსეთთან კონფლიქტისთვის. მაგრამ დებატები გაცილებით ფართოა. ეს არის ინდუსტრიული ბაზა, მაგრამ ასევე ადამიანები, რომლებსაც უნდა ესმოდეთ, რომ ისინი გარკვეულ როლს ასრულებენ“, – ციტირებს ბაუერს Telegraph-ის კორესპონდენტი.

    მან შეაქო შვედეთის ხელისუფლება იმის გამო, რომ ის მოქალაქეებს აფრთხილებს ომისთვის მზადების აუცილებლობის შესახებ. „აქედან უნდა დავიწყოთ. იმის გაცნობიერებიდან, რომ ყველაფრის დაგეგმვა არ შეიძლება და ყველაფერი იდეალურად არ იქნება მომდევნო 20 წლის განმავლობაში“, – განაცხადა ადმირალმა.

    მომავალ კვირას ნატო იწყებს ფართომასშტაბიანი წვრთნები Steadfast Defender 2024, რომელშიც მონაწილეობას მიიღებს დაახლოებით 90 ათასი ჯარისკაცი (მათ შორის 20 ათასი ბრიტანელი). ეს წვრთნები მაისამდე გაგრძელდება.

  • თუ მუხლები არ გიკანკალებს, სააკაშვილი გაათავისუფლე – ხაბეიშვილი ივანიშვილს

    ევროპის წამების საწინააღმდეგო კომიტეტმა პრეზიდენტ სააკაშვილზე კიდევ ერთი დასკვნა დაწერა, სადაც შავით თეთრზე ამბობენ, რომ მიხეილ სააკაშვილის მიმართ მჩაგვრელი და დამამცირებელი მოპყრობაა […] მინდა, რუს ოლიგარქს, შეშინებულ და სოროდან გამომძვრალ ბიძინა ივანიშვილს მივმართო, რომელიც ამბობს, რომ მაგარია, ძლიერია და ხალხის მხარდაჭერა აქვს. თუ არ გეშინია და მუხლები არ გიკანკალებს, მაშინ გაათავისუფლე პრეზიდენტი სააკაშვილი, რომელზეც სრულიად ცივილიზებული სამყარო შეთანხმებულია, რომ პოლიტიკური პატიმარია და შესაძლებლობა მიეცი, თავის ხალხს ელაპარაკოს.

    ასე  მიმართა  ნაციონალური მოძრაობის თავმჯდომარემ, ლევან ხაბეიშვილმა პარტიის ოფისში გამართულ ბრიფინგზე, ოლიგარქ ბიძინა ივანიშვილს.

  • ჩვენი ინტერესია, რაც შეიძლება მალე დასრულდეს ომი, კონფლიქტი და საბოლოოდ დამყარდეს, აღდგეს მშვიდობა – ღარიბაშვილი

    „მთავარი საკითხი შეეხებოდა ბალკანეთის ქვეყნების ევროინტეგრაციას, ამ პროცესს ზოგადად, რაც უკავშირდება ბალკანეთის ქვეყნების გაერთიანებას ევროკავშირში, ასევე ჩვენს ინტეგრაციას ევროკავშირში. ჩემთან ერთად ამ პანელში მიიღო მონაწილეობა, ამ დახურულ ფორმატში მიიღო მონაწილეობა მოლდოვეთის პრემიერ-მინისტრმა და ასევე უკრაინის საგარეო საქმეთა მინისტრმა.

    რა თქმა უნდა, პირველ რიგში, მადლობა გადავუხადე ყველა ევროპელ ლიდერს, იმიტომ, რომ შეხვედრაში მონაწილეობდნენ ევროპელი ლიდერები, პრემიერ-მინისტრები, პრეზიდენტები, როგორც უკვე აღვნიშნე, ქალბატონი ურსულა ფონ დერ ლაიენი. მე მას მადლობა გადავუხადე ჩვენი ქვეყნის სახელით და მათ ყველას მადლობა გადავუხადე, იმიტომ, რომ ჩვენ, ასე ვთქვათ, ყველაზე მნიშვნელოვანი მონაპოვარი ყველამ ერთად მივიღეთ დეკემბერში, კანდიდატის სტატუსის სახით.

    ამას გარდა, ჩვენ გვქონდა შესაძლებლობა, რომ გაგვეზიარებინა უახლესი ინფორმაცია საქართველოში მიმდინარე მოვლენების შესახებ. რა თქმა უნდა, ის ძლიერი, იქნება ეს ეკონომიკური ზრდა, განვითარება, ჩვენი გეგმები, ჩვენი ხედვა, ზოგადად, რაც შეეხება ჩვენი ქვეყნის მომავალს, ამ თემებზეც, ბუნებრივია, იყო საუბარი. ასევე საინტერესო იყო, რა თქმა უნდა, ჩვენ ამ ფორმით შევეხეთ კრიზისების საკითხს.

    როგორც მოგეხსენებათ, დღეს მსოფლიო წესრიგი იცვლება და ჯერ კიდევ ძალიან დიდი კითხვის ნიშნის ქვეშ დგას, თუ საბოლოო ჯამში როგორი მსოფლიო წესრიგი უნდა ჩამოყალიბდეს და როგორი იქნება საბოლოო კონფიგურაცია, როგორ მოეწყობა თანამედროვე მსოფლიო, ვინაიდან ჩვენ დღეს ვუყურებთ, რომ სახელმწიფოები პატივს აღარ სცემენ საერთაშორისო წესრიგს, უხეშად ხდება ხელყოფა სუვერენული სახელმწიფოების ტერიტორიების, მიმდინარეობს ომები და ა.შ. რა თქმა უნდა, საუბარი შეეხო ასევე უკრაინის კრიზისს, რომელსაც აქვს პირდაპირი გავლენა, არა მხოლოდ ევროპის უსაფრთხოებაზე, არამედ მთელი მსოფლიოს წესრიგზე. მნიშვნელოვანი დრო დაეთმო ახლო აღმოსავლეთში განვითარებულ მოვლენებს, ისრაელში განვითარებული მოვლენები, რა თქმა უნდა, ჩვენთვის ყველასთვის არის ძალიან მნიშვნელოვანი და საინტერესო. ჩვენი ინტერესია, რომ რაც შეიძლება მალე დასრულდეს ეს ომი, ეს კონფლიქტი და საბოლოოდ დამყარდეს, აღდგეს მშვიდობა და სტაბილურობა”

    ამის შესახებ საქართველოს პრემიერ-მინისტრმა ირაკლი ღარიბაშვილმა დავოსში, ჟურნალისტებთან საუბრისას განაცხადა.

  • საუბარია ტექნიკური ტიპის ერთობის შექმნაზე და არა მაინცდამაინც იდეოლოგიაზე – ჯაფარიძე

    თუ ეს [ხელისუფლების ცვლილების] ამოცანა გაქვს, ამ შემთხვევაში არსებითი მნიშვნელობა არ აქვს, 5%-ს აჩვენებს რეიტინგში, 6%-ს თუ 8%-ს, მნიშვნელობა აქვს იმას, რომ არჩევნებზე ანტირუსული, პროდასავლური ხმები არ წავიდეს ქართული ოცნებისკენ იმ სისტემის პირობებში, რა სისტემაც გვაქვს.

    15%-იც რომ გქონდეს, შენ პასუხისმგებლობაა, როგორც დიდის და ძლიერის, რომ ვიღაცას 1%, 1.5%, 2% რომ აქვს, ის ხმები არ დაიკარგოს, ამიტომ, აქ საუბარია კონსოლიდაციაზე ძალებით, ტექნიკური ტიპის ერთობის შექმნაზე და არა მაინცდამაინც იდეოლოგიაზე. იდეოლოგიურ ერთობაზე რომ წავიდე, ვერ შევეკვრები ვერავის, იმდენად იდეოლოგიზირებული ხალხი ვართ.

    თუ ამ ამოცანიდან ამოვდივართ, ეს კონსოლიდაცია გარდაუვალია, დაგვიანებულიც არის… მე და ელენემ შარშანწინ აპრილიდან დავიწყეთ შეხვედრები სხვადასხვა პარტიასთან და ამის ახსნა, ახლა ბევრად წინ ვართ წასული. გააზრება, რომ ასეთია სურათი, პოლიტიკურ პარტიებში უფრო მეტია, ვიდრე იყო.

    მაგრამ ჯერჯერობით მაინც პარტიებს აქვთ ის “მოუდი”, რომ ჯერ საკუთარ ძალებს ცდიან… საბოლოო ჯამში, დადგება კონკრეტული რეალობა, გაზაფხული მგონია მეც, როცა დადგება კონკრეტული რეალობა, რომ ხო, იქნებიან პარტიები, რომლებსაც ექნებათ რაღაცა ტიპის რეიტინგები, ვიღაცა შეიძლება ლახავდეს არჩევნების რეიტინგს, ვიღაცა შეიძლება, ვერ ლახავდეს, მაგრამ ნებისმიერ შემთხვევაში, ყველას ექნება ეგ ამოცანა – რას აკეთებ? თქვენ რომ მოხვალთ, მკითხავთ – რისთვის იბრძვი, რომ გადალახო ბარიერი და პარლამენტში შეხვიდე თუ იმისთვის იბრძვი, რომ საბოლოო ჯამში ეს ხელისუფლება შეიცვალოს, თუ იმისთვის იბრძვი, რომ ეს ხელისუფლება შეიცვალოს, მაშინ სხვა ტიპის ქცევაა საჭირო, მაშინ ძალების კონსოლიდაციაა გარდაუვალი.

    დაგვიანებული იმიტომ მგონია, რომ ალტერნატივის ჩვენება საზოგადოებისთვის, ისევე როგორც ჩვენი დასავლელი პარტნიორებისთვის, არის პრინციპული საკითხი. ადამიანებმა რომ დაგიჯერონ, რომ შენ შეგიძლია, მოიგო და მართლა რასაც ელაპარაკები, იმის გამკეთებელი ხარ, მაგისთვის მნიშვნელოვანია, აჩვენო, რომ მართლა გამკეთებელი ხარ ამის…

    … ახლა რომ პარტიები დადიან და რაღაცებს პირდებიან, არ მინდა, რაღაც კონკრეტული დაპირებები ვახსენო, იმიტომ, რომ არ მინდა, ჩათვალონ, რომ მაინცდამაინც, ამ პარტიას ვებრძვი ან იმ პარტიას ვებრძვი, მაგრამ დაპირებებს რომ იძლევიან, რა დამაჯერებლობა აქვს მაგას? ჩემთან რომ მოდის და რომელიღაც პარტია მეუბნება – გპირდები, ამას გავაკეთებ, ამას გავაკეთებ, რანაირად გააკეთებ, იგებ?

    აცხადებს გირჩი-მეტი თავისუფლების ლიდერი ზურა ჯაფარიძე.

  • საქართველოში ბოლშევიზმი ახალი ენერგიით ცდილობს ფრთების გაშლას, არ გამოუვათ – კობახიძე

    „ასეთი უხეში ფორმით ბოლშევიზმი გვახსოვს საუკუნის წინანდელი პერიოდიდან და გვეგონა, რომ ეს ყველაფერი წარსულს ჩაბარდა. თუმცა, ვხედავთ, რომ საქართველოში ბოლშევიზმი ახალი ენერგიით ცდილობს საკუთარი ფრთების გაშლას. რა თქმა უნდა, ეს არ გამოუვათ, ბოლშევიზმი არ არის ის, რაც დამახასიათებელია ჩვენი ეროვნული სულისკვეთებისთვის, აქედან გამომდინარე, ვერავითარი გასაქანი ბოლშევიზმს ვერ ექნება, შესაბამისად საჭიროა საზოგადოების სწორი რეაგირება ნებისმიერ ასეთ ფაქტზე“,

    ასე გამოეხმაურა „ქართული ოცნების“ თავმჯდომარე ირაკლი კობახიძე ნატა ფერაძის განცხადებას იმის შესახებ, რომ „სამების ტაძარი საქართველოში კორუფციის მთავარი ტაძარია“.

  • უმრავლესობას თავისი ფიგურის გარშემო ერთიანობა სურს და არა მიზნის – ჩერგოლეიშვილი ოპოზიციაზე

    წლებია, ოპოზიციონერი პოლიტიკოსების უდიდესი უმრავლესობა ხალხს გაერთიანებას ჰპირდება და წლებია, ამაშიც ლუზერია.

    ანუ ხალხს ცრუ მოლოდინს უქმნიან, თითქოს გაერთიანებაა პანაცეა და მერე ამ ცრუ მოლოდინსაც უცრუებენ.

    სინამდვილეში, მიზნის გარშემო ერთიანობა ამ პოლიტიკოსებს არ სურთ. მათ სურთ საკუთარი ფიგურის გარშემო ერთიანობა.

    მიზნის გარშემო ერთიანობა რომ სურდეს მაგალითად გვარამიას – ცალკე ძალას რატომ შექმნიდა?

    მიშას მიზნებთან დაპირისპირებულია გვარამია? თუ დაპირისპირებულია, რატომ არ იძახის, რაშია დაპირისპირებული? თუ მიშას არ უპირისპირდება, ცალკე ძალას რატომ ქმნის? ნაცებს რატომ არ უერთდება? დამატებით ფრაგმენტაციას რატომ ახდენს, თან “ერთიანობის” სახელით?

    პასუხს გონიერი ადამიანი თავადაც მიხვდება.

    გვარამიას თვითონ უნდა პირველობა და ერთიანობაშიც მის გარშემო ერთიანობას მოიაზრებს.

    შინაარსობრივი სხვაობა ხაბეიშვილს, გვარამიას, ხაზარაძესა და პირობით ლომჯარიას შორის არ არსებობს – მხოლოდ ეგო განასხვავებთ.

    (ვიღაცას თუ ხაბე უფრო ეგოიმება, ცოტა ხანს აცადოს და მაგასაც ჩააცმევენ ბოტეგას ტუფლებს).

    ვერ ერთიანდებიან მხოლოდ და მხოლოდ იმიტომ, რომ პირველობას ვერ იყოფენ.

    საქართველოს მოქალაქეების ინტერესები არ ყოფს ამ პოლიტიკოსებს შინაარსობრივად – მხოლოდ და მხოლოდ საკუთარი ეგო ყოფს და ამ ეგოს დასაბუსტი ერთიანობაა მათი მიზანი.

    სამწუხაროდ, ამათთან კობახიძეც მართალია.

    ევროპული საქართველოს ერთერთი ლიდერი თამარ ჩერგოლეიშვილი.