Category: ახალი ამბები

“არ შეწყვეტილა, არის რაღაც პროექტები, რაზეც არის ლაპარაკი”, – ასე პასუხობს, დაავადებათა კონტროლის ეროვნული ცენტრის დირექტორის მოადგილე პაატა იმნაძე ფორმულას შეკითხვას, დაავადებათა კონტროლის ეროვნულ ცენტრსა და ლუგარის ლაბორატორიას ამერიკის შეერთებული შტატების ფინანსური დახმარების შეუჩერებასთან დაკავშირებით.

აქვე შეგახსენებთ, რომ გუშინ, ფორმულამ გაავრცელა ინფორმაცია, რომ  დაავადებათა კონტროლის ეროვნულ ცენტრსა და ლუგარის ლაბორატორიას ამერიკის შეერთებული შტატების ფინანსური დახმარება შეუჩერდა.  მათი წყაროს ცნობით, 95 მილიონი დოლარის ნაწილი, რომელსაც მთავრობა ანტიდემოკრატიული პოლიტიკის და ანტიდასავლური რიტორიკის გამო ვეღარ მიიღებს, ამ უწყებაშიც უნდა წასულიყო.

5-8 აგვისტოს საქართველოს ზოგიერთ რაიონში მოსალოდნელია ხანმოკლე წვიმა ელჭექით.

დედაქალაქში – თბილისში 5-6 აგვისტოს მოსალოდნელია უმეტესად უნალექო ამინდი, 7 აგვისტოს დღისით შესაძლებელია დაფიქსირდეს ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მ/წმ, 7-8 აგვისტოს ქალაქის გარეუბნებში დროგამოშვებით შესაძლებელია ქარის 18-20 მ/წმ-მდე გაძლიერება. ჰაერის ტემპერატურა +32 +34 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი) 5-6 აგვისტოს უმეტესად უნალექო ამინდია მოსალოდნელი, ხოლო 7-8 აგვისტოს დროგამოშვებით ხანმოკლე წვიმა ელჭექით. ჰაერის ტემპერატურა დღისით +30, +32 გრადუსი დაფიქსირდება.

დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, სამტრედია, ოზურგეთი) 5-8 აგვისტოს მოსალოდნელია მცირე ხანმოკლე წვიმა ელჭექით. ჰაერის ტემპერატურა +31, +33 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო) 5-8 აგვისტოს მოსალოდნელია მცირე ხანმოკლე წვიმა ელჭექით, ჰაერის ტემპერატურა +28 +33 გრადუსი დაფიქსირდება.

დასავლეთ საქართველოს მაღალმთიან რეგიონებში (მესტია, ბახმარო) 5-8 აგვისტოს მოსალოდნელია ხანმოკლე წვიმა ელჭექით. ჰაერის ტემპერატურა +25, +30 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი) დროგამოშვებით ხანმოკლე წვიმა და ელჭექია მოსალოდნელი, იქროლებს დასავლეთის მიმართულების ქარი 10-15 მ/წმ, 7-8 აგვისტოს ზოგან ძლიერი 17-22 მ/წმ. ჰაერის ტემპერატურა დღისით +32, +35 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) 5-6 აგვისტოს უმეტესად უნალექოდ, ხოლო 7-8 აგვისტოს ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +30, +33 გრადუსი დაფიქსირდება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური) მოსალოდნელია ხანმოკლე წვიმა ელჭექით. ჰაერის ტემპერატურა დღისით +27 +32 გრადუსი დაფიქსირდება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო) მოსალოდნელია ხანმოკლე წვიმა ელჭექით. ჰაერის ტემპერატურა +20, +25 გრადუსი დაფიქსირდება.

უკრაინელებმა რუსების მიერ გაშვებული “შაჰიდის” ტიპი 24-ვე დრონი ჩამოაგდეს – ინფორმაციას უკრაინის საჰაერო ძალები ავრცელებს.

დრონები ჩამოაგდეს კიევის, ვინიცას, კიროვოგრადის, ხარკოვის, სუმის, პოლტავასა და დნეპროპეტროვსკის რაიონებში.

ამერიკულმა როკ ჯგუფმა Aerosmith-მა ტურნეს დასრულების შესახებ მას შემდეგ გამოაცხადა, რაც ცნობილი გახდა, რომ 76 წლის ჯგუფის ლიდერის სტივენ ტაილერის ხმა შეუქცევადად დაზიანდა.
სტივენ ტაილერმა სცენაზე ნახევარი საუკუნე გაატარა: მისი მუსიკალური კარიერა ჯერ კიდევ 1970-იან წლებში დაიწყო. თითქმის ერთი წლის წინ, 2023 წლის სექტემბერში, მომღერალმა, რომელსაც გაზეთებმა მეტსახელად “კივილის დემონი” უწოდეს, ძლიერად დაიზიანა ვოკალური იოგები და მას შემდეგ ცდილობს გამოჯანმრთელებას.

„მან რამდენიმე თვე დაუღალავად იმუშავა, რათა ხმა დაებრუნებინა იმ მდგომარეობაში, რომელშიც იყო ტრავმამდე“, – ნათქვამია Aerosmith-ის განცხადებაში. ”ჩვენ დავინახეთ, რამდენად რთული იყო ეს მისთვის, მიუხედავად იმისა, რომ მას საუკეთესო ექიმები ეხმარებოდნენ.”

”სამწუხაროდ, აშკარაა, რომ ვოკალური ტრავმისგან სრული აღდგენა შეუძლებელია”, – წერენ მუსიკოსები და ადასტურებენ, რომ ისინი ვერ შეძლებენ თავიანთი გამოსამშვიდობებელი Peace Out ტურის დასრულებას, რომელიც Aerosmith-მა გასულ ზაფხულს დაიწყო.
ტური სამი კონცერტის გამართვის შემდეგ შეწყდა, რადგან ტაილერმა ხორხის დაზიანება მიიღო, სერიოზულად დაიზიანა ლიგატები და საჭიროებდა მუდმივ სამედიცინო ზედამხედველობას.

მას შემდეგ ჯგუფის გულშემატკივრები იმედოვნებდნენ, რომ მომღერლის ხმა აღდგებოდა, მაგრამ, როგორც გაირკვა, ამაოდ.

მსგავსი შემთხვევები ყოფილა შოუბიზნესში და ხშირად ჯგუფი, რომელმაც ამა თუ იმ მიზეზით ვოკალისტი დაკარგა, მის გარეშე განაგრძობდა არსებობას. მაგალითად, ბრიტანული ჯგუფი Queen, 1991 წელს ფრედი მერკურის გარდაცვალების შემდეგ, კვლავ პერიოდულად ატარებს გასტროლებს ვოკალისტ ადამ ლამბერტთან ერთად.

თუმცა, Aerosmith-ის წევრებმა განმარტეს, რომ მათ შემთხვევაში ეს ნაკლებად სავარაუდოა.

“სტივენის ხმა უნიკალური ინსტრუმენტია, და ასეთი სხვა არ არსებობა”, – წერენ ისინი. და რადგან ჯგუფში ყველანი ერთმანეთის ძმებივით ვართ, მივიღეთ უმძიმესი, მაგრამ აუცილებელი გადაწყვეტილება – ყველამ ერთად შევწყვიტოთ ტურნე“.

Queen-ის გიტარისტმა სერ ბრაიან მეიმ ინსტაგრამზე ჯგუფის სახელით სპეციალური განცხადება გამოაქვეყნა და დაწერა, რომ ამ ამბავმა ცრემლები მოადგა.

“Aerosmith იყო ჩემი და მილიონობით სხვა როკ თაყვანისმცემლის ცხოვრების უდიდესი ნაწილი”, – წერს მეი. “სტივ ტაილერი არის ყველა დროის ერთ-ერთი საუკეთესო ვოკალისტი და ფრონტმენი და აბსოლუტურად საშინელებაა, რომ მისი არაჩვეულებრივი ხმა ასე დაზიანდა.”
“მაგრამ Aerosmith-ის შემოქმედება სიცოცხლეს განაგრძობს და გვახსენებს ერთ-ერთ ყველაზე გასაოცარ ჯგუფს, რომელიც ოდესმე გამოსულა სცენაზე.”

კრემლმა დაადასტურა, რომ ვადიმ კრასიკოვი, რომელმაც საქართველოს მოქალაქე, ზელიმხან ხანგოშვილი მოკლა, FSB-ს აგენტია.  ამასთან დაკავშირებით კრემლის პრესსპიკერმა, დიმიტრი პესკოვმა 2 აგვისტოს რუსეთისა და დასავლეთის ქვეყნებს შორის პატიმრების გაცვლაზე ჟურნალისტებთან გამოსვლისას ისაუბრა.

“კრასიკოვი უშიშროების ფედერალური სამსახურის (ФСБ) თანამშრომელია, ის ალფაში მსახურობდა. საინტერესოა, რომ როდესაც ის ალფაში მსახურობდა, ის მსახურობდა პრეზიდენტის [პუტინის] დაცვის რამდენიმე თანამშრომელთან ერთად. ბუნებრივია, რომ გუშინ შეხვედრისას ისინი ერთმანეთს მიესალმნენ”. – თქვა პესკოვმა

მარნეულში 4 წლის ბავშვს თავში კისტის თოფის ტყვია მოხვდა. არასრულწლოვანი ამ ეტაპზე თბილისში, ინგოროყვას კლინიკაში, მძიმე მდგომარეობაში, მართვით სუნთქვაზე იმყოფება.

ინფორმაცია თავდაპირველად გამოცემა “რადიო მარნეულმა” გაავრცელა. მარნეულის “ჯეო ჰოსპიტალსის” კლინიკაში, 1 აგვისტოს შეიყვანეს ბავშვი, რომელიც კომატოზურ მდგომარეობაში იყო და კეფის არეში დაზიანებები აღენიშნებოდა. მარნეულის “ჯეო ჰოსპიტალსის” პედიატრიის განყოფილების უფროსმა და გადაუდებელი პედიატრიის ექიმმა ელმან სადიკოვმა განაცხადა, რომ ბავშვის მშობლებისა და ნათესავების თქმით, ბიჭი თამაშის დროს დაეცა და თავის დაზიანება მიიღო. სამედიცინო კვლევებით გაირკვა, რომ ბავშვს თავში კისტის თოფის ტყვია ჰქონდა მოხვედრილი.

“ძალიან სერიოზული ტრავმაა თოფით მიყენებული. რეალურად, ეს ტყვია შევიდა უკანა კეფის მხრიდან, გაიარა მნიშვნელოვანი გზა და დააზიანა შუა ტვინის სტრუქტურები. იმ ადგილას არის ეს ტყვია გაჩერებული, საედანაც მისი ამოღება პრექტიკულად შეუძლებელია. ამ ეტაპზე ბავშვი მართვით სუნთქვაზეა. ძალიან რთული პაციენტია პროგნოზულადაც და ამჟამად სამართავადაც” – აცხადებს, ინგოროყვას კლინიკის პედიატრიული განყოფილების ხელმძღვანელი, გია ბიბილეიშვილი ადგილობრივ მედიასთან.

”მორატორიუმი გამოვაცხადოთო ოპოზიციამო ერთმანეთს თავს არ დავესხათო და კი ბატონო თქო და გუშინ მთელი გამოსვლა ( ხაზარაძესთან გაერთიანებულმა) ანა დოლიძემ ნაც მოძრაობის ლანძღვას მიუძღვნა, აი იმ ანა დოლიძემ, ვითომ “ბანკებს” -მევახშეებს რომ ებრძოდა შარშან , აი იმ ანა დოლიძემ 2008 -ში რუსეთის მხარეს რომ იცავდა და წარმოადგენდა სამაჩაბლო რომ წაგვართვეს, ადვოკატი რომ იყო ოკუპანტის , ჰოდა მორატორიუმი კი არა, მხოლოდ სიმართლე და ფეიკების ლუსტრაციით და მართალთა და მართლა დასავლეთის მომხრეთა გაერთიანებით დაიდება გამარჯვება!!!!!”

ამის შესახებ „კანონისა და სამართლის“ ლიდერი თაკო ჩარკვიანი სოციალურ ქსელში წერს.