Category: ახალი ამბები

ევროკავშირის ქვეყნებთან უვიზო მიმოსვლა საქართველოს მოქალაქეებისთვის ყველაზე ხელშესახები სიკეთეა, რომლითაც 2017 წლიდან ვსარგებლობთ, და რომლის მოპოვებსაც 11 წლიანი სისტემატიური შრომა და მიზანმიმართული პოლიტიკის გატარება დასჭირდა. საქართველომ ჯერ კიდევ 2006 წელს დაიწყო ჯერ გამარტივებული სავიზო რეჟიმის, შემდეგ კი, უვიზო მიმოსვლის მოსაპოვებლად საჭირო რეფორმების გატარება. მსოფლიოს 195 სახელმწიფოდან, მსგავსი პრივილეგია-ანუ შენგენის ქვეყნებში უვიზოდ შესვლის უფლება აქვს მხოლოდ 60 ქვეყენის მოქალაქეს. შესაბამისად, შეიძლება ითქვას, რომ გარდა პრაქტიკული მოხერხებულობისა საქართველოს მოქალაქეებისთვის, საქართველომ, მიიღო რა უვიზო რეჟიმი შენგების ქვეყნებთან, ჩვენ გადავინაცვლეთ წარმატებულის სახელმწიფოების შემადგენლობაში, რომელსაც ეს პრივილეგია ეკუთვნის. 

უვიზო მოგზაურობის შანსს, თან მოყვა ისეთი შესაძლებლობები, როგორიცაა დროებითი დასაქმების სქემები, სამუშაოდ, სასწავლებლად, სამკურნალოდ მარტივად გამგზავრება ევროპის ქვეყნებში. 

დღეს, ჩვენ ვდგავართ უდიდესი საფრთხის წინაშე, რომ ეს მრვალწლიანი შრომით მოპოვებული შესაძლებლობა დავკარგოთ. უვიზო მიმოსვლის რეჟიმი უკვე შეიზღუდა, როდესაც ევროკავშირმა მიიღო უპრეცენდენტო გადაწყვეტილება და დიპლომატიური და სამსახურეობრივი პასპორტების მფლობელებს გაუუქმა უვიზოდ ევროკავშირსი მოგზაურობის უფლება. მაშინ, როდესაც უვიზო რეჟიმი პირველად სწორედ დიპლომატიური პასპორტებისთვის იქნა შემოღებული.

საზოგადეობას უნდა შევახსენოთ, რომ 31 აგვისტოს იწურება ვადა, რომელიც ევროკომისიამ მისცა საქართველოს არალეგიტიმურ მმართველ რეჟიმს, კონკრეტული 8 პუნქტიანი პირობების შესასრულებლად. 

ქვეყანაში სამოქალაქო და ადამიანის უფლებების დაცვის უზრუნველყოფა, საქართველოს ყველა მოქალაქის  თავისუფალი ასოციაცისის, შეკრების და გამოხატვის თავისუფლების უფლების დაცვა, საზოგადოებრივ ცხოვრებაში მონაწილეობის უფლების დაცვა, პირადი სივრცის უფლების უზრუნველყოფა და დისკრიმინაციისთან დაცვა.
ე.წ. გამჭვირვალეობის, რუსული კანონის გაუქმება, რომელიც ზღუდავს სწორედ ამ უფლებებს და ასევე ყველა იმ კანონის გაუქმება, რომელიც ეწინააღმდეგება ევროპულ ღირებულებებს ზემოთ ჩამოთვლილი უფლებების დასაცავად. 

ანტი-კორუფციული ბიუროს რეფორმა და მისი საქმიანობის შესახებ კანონმდებლობლობის შესაბამისობაში მოყვანა ვენეციის კომისიის დასკვნებთან. 

ზოგადად, კორუფციასთან ბრძოლის ეფექტიაინი სტრატეგიის შემუშავება და კორუფციასთან სისტემური ბრძოლა. 

პირადი მონაცემების დაცვის უზრუნველყოფა.
მესამე ქვეყნებთან სავიზო რეჟიმის შესაბამისობაშ მოყვანა ევროკავშირის მოთხოვნებთა. 

დღეს, 12 აგვისტოს, მინდა ვკითხო არალეგიტიმურ რეჟიმს, რომლის ე.წ. მინისტრთან კაბინეტმა გუშინ რაღაც მოგონილ ‘ევროკავშირთან ურთიერთობების სამოქმედო გეგმაზე იმსჯელა და მორიგ ჯერზე სიცრუის მანქანის მეშვეობით ხალხის მოტყუებას ცდილობს, რომ თითქოს ცდილობს შეასრულოს ასოცირების შეთანხმების პირობები, მეორეს მხრივ საკუთარ დუგინის ჩინური ვერსიის მსგავსი პროპაგანდისტის შათირიშვილის ეპისტოლეებით, ატყუებს, რომ ევროპა თურმე აღარ წარმოადგენს არაფერს ღირებულს-მინდა ვკითხო, რომელი მოთხოვნაა აქედან შესრულებული და რომელით მოთხოვნის შესრულებას გეგმავთ?  საზაფხულო არდადგები მთავრდება, სექტემბრიდან ევროკავშირი გადავა მისი პირობების შესრულების პროცესის განხილვაზე და მაინტერესებს, რა გაქვთ ევროკავშირისთვის სათქმელი? 

ანტიკორუფციული ბიურო ისევ პოლიტიკური დევნის ინსტურმენტია, არც ერთი რუსული კანონის გაუქმება არ იგეგმება, სასამართლო კლანი კონვეირული რეჟიმით უშვებს ხალხს ციხეში აქციებში მონაწილეობისთვის, შსს სამინისტრო კი ასევე კონვეირული წესით ბეჭდავს ჯარიმებს აქციებში მონაწილეობისთვის. მაინტერესებს რომელი მოთხოვნის შესრულებას გეგმავს ეს რეჟიმი და ეს უნდა აინტერესებდეს საქართველოს ყველა მოქალაქეს, რომელსაც არ უნდა, რომ რამდენიმე თვეში გააგდონ იმ პრივილეგირებული ქვეყნების პასპორტების მფლობელების სიიდან, ვისაც უვიზოდ შეუძლია ევროპაში მოგზაურობა. ვისაც არ უნდა, რომ რუსეთის, ბელარუსის, ცენტრალური აზიის ქვეყნების მსგავსად, ოცენბად გაუხდეს ვროპაში სამოგზაურო, სასწავლებელი, სამკურნალო თუ სამუშაო ვიზის აღება.

ვისაც არ უნდა, რომ მორიგ ჯერზე უთხრან, რომ წარმოადგენს წარუმატებელ, შეუმდგარ ქვეყანას, რომლის მოქალაქესაც უვიზოდ ცივილიზებულ ქვეყნებში არავინ უშვებს. 

უვიზო რეჟიმის დაკარგვა იქნება ჩვენი ეროვნული თავმოყვარეობის კიდევ ერთი დაკნინება, რომელზეც სრულად იქნება პასუხმსგებელი ივანიშვილი და მისი არალეგიტიმური რეჟიმი. ამიტომ ამ რეჟიმს დროულად უნდა მოვთხოვოთ. პასუხი, რას აკეთებენ დღეს, რომ ხვალ ეს სავალალო შედეგი არ დაგვიდგეს”- განაცხადა სალომე სამადაშვილმა. 

”მოქალაქეების, ჟურნალისტების და სხვა პირების მიმართ ფიზიკური თავდასხმების, დაშინებისა და ძალადობის მუქარის, იძულებისა და შევიწროების შესახებ ცნობები მთელი წლის განმავლობაში განუწყვეტლივ ვრცელდებოდა. ასეთ შემთხვევებში ასევე არ არსებობდა ანგარიშვალდებულება” – აშშ-ის სახელმწიფო დეპარტამენტმა 2024 წლის ადამიანის უფლებრივი მდგომარეობის ანგარიში გამოაქვეყნა.

შეერთებული შტატების სახელმწიფო დეპარტამენტის ანგარიშში საუბარია „უცხოური გამჭვირვალობის კანონის“ მოწინააღმდეგეებისა და ევროკავშირში ინტეგრაციის მხარდამჭერების აქციების გაშუქებისას ჟურნალისტებზე მომხდარ თავდასხმებზე, მათ შორის ე.წ. ტიტუშკების მხრიდან.

აშშ-ის სახელმწიფო დეპარტამენტის მიერ 12 აგვისტოს გამოქვეყნებული 2024 წლის ანგარიშის მიხედვით, საქართველოში ადამიანის უფლებების სფეროში დაფიქსირდა მნიშვნელოვანი უკან გადადგმული ნაბიჯები.

დოკუმენტში განსაკუთრებული ყურადღება ეთმობა ე.წ. „უცხოური გავლენის გამჭვირვალობის შესახებ“ კანონს, რომელსაც წამყვანი არასამთავრობო ორგანიზაციები გამოხატვისა და გაერთიანების თავისუფლების სერიოზულ შეზღუდვად აფასებენ. პარალელურად, „ოჯახური ფასეულობებისა და არასრულწლოვანთა დაცვის შესახებ“ კანონის მიღება, სახელმწიფო დეპარტამენტის შეფასებით, გამოხატვის გარკვეული ფორმების კრიმინალიზებისკენ მიმართულ ნაბიჯად იქცა.

ანგარიშში აღნიშნულია, რომ წლის განმავლობაში პოლიტიკური პროცესების ფონზე ადგილი ჰქონდა დაშინებისა და იძულების შემთხვევებს, ასევე — ადმინისტრაციული რესურსის ბოროტად გამოყენებას, რაც განსაკუთრებით შესამჩნევი იყო ოქტომბრის საპარლამენტო არჩევნების წინ.

დოკუმენტში მოყვანილია სანდო ცნობები წამების, არაადამიანური მოპყრობის, თვითნებური დაკავებების, მედიისა და გამოხატვის თავისუფლების შეზღუდვის შესახებ. განსაკუთრებული ადგილი ეთმობა ჟურნალისტებზე ძალადობის ფაქტებს, მათ შორის ტელეკომპანია „პირველის“ ჟურნალისტ მაკა ჩიხლაძესა და ოპერატორ გიორგი შეწირულზე თავდასხმას.

სახელმწიფო დეპარტამენტი მიუთითებს, რომ რამდენიმე შემთხვევაში პოლიცია არ ჩარეულა მედიაპროფესიონალებზე და დემონსტრანტებზე ე.წ. ტიტუშკების თავდასხმებში, ხოლო ზოგ შემთხვევაში მათთან კოორდინაციაშიც იმყოფებოდა.

დოკუმენტში ასევე აღწერილია ჟურნალისტებისა და აქტივისტების მიმართ განხორციელებული სატელეფონო მუქარები, ვანდალიზმის ფაქტები მათი სახლებისა და ოფისების მახლობლად, შეურაცხმყოფელი პლაკატების გამოფენა და ავტომობილების დაზიანება.

ანგარიში ეხება პარლამენტში ონლაინმედიის წარმომადგენლებისთვის მუშაობის აკრძალვასა და ოპოზიციური ტელევიზიების ჟურნალისტებისთვის აკრედიტაციის დროებით შეჩერებასაც.

თუმცა, სახელმწიფო დეპარტამენტის შეფასებით, მიუხედავად იმისა, რომ ხელისუფლებამ გარკვეული ნაბიჯები გადადგა ადამიანის უფლებების დამრღვევი თანამდებობის პირების დასასჯელად, დაუსჯელობის პრობლემა კვლავ მწვავე რჩება.

შინაგან საქმეთა სამინისტროს განცხადებით, ბოლო 24 საათის განმავლობაში ქვეყნის მასშტაბით თურქ კოლეგებთან ერთად ჩატარებული საგამოძიებო მოქმედებების შედეგად თურქეთის სამართალდამცავი ორგანოების მიერ ძებნილი 12 პირი დააკავეს. შსს აცხადებს, რომ ყველა მათგანი თურქეთის რესპუბლიკის მოქალაქეა.

„დაკავებული პირები თურქეთის პოლიციის მიერ საერთაშორისო დონეზე ბოლო 5 წლის განმავლობაში გამოცემული ინტერპოლის წითელი ცირკულარების საფუძველზე იძებნებოდნენ.

ჩატარებული გამოძიებით დადგინდა, რომ დაკავებული 12 პირიდან 8 პირი საქართველოს ტერიტორიაზე ჯერ კიდევ მაშინ შემოვიდა, ვიდრე მათზე საერთაშორისო ძებნა გამოცხადდებოდა, ხოლო 4 პირი საქართველოში შემოსულია უკანონოდ, რის საფუძველზეც მიმდინარეობს შესაბამისი სისხლის სამართლებრივი პროცედურები.

დაკავებულ პირთა შორის არიან მძიმე და განსაკუთრებით მძიმე დანაშაულების ჩადენაში ბრალდებული პირები, კერძოდ: დამამძიმებელ გარემოებებში ჩადენილი განზრახ მკვლელობის (მათ შორის მცირეწლოვანი ბავშვის მკვლელობის), მკვლელობის მცდელობის, ყაჩაღობის, თავისუფლების უკანონო აღკვეთის, ჯანმრთელობის განზრახ მძიმე დაზიანების, ორგანიზებული კრიმინალური დაჯგუფების შექმნისა და წევრობის, გამოძალვის, ქურდობის, ცეცხლსასროლი იარაღის უკანონო შეძენა-შენახვისა და ტარების, ნარკოტიკული დანაშაულის, დოკუმენტების გაყალბების, საინვესტიციო თაღლითობასა და მითვისების 178 ეპიზოდის ჩადენაში ბრალდებული ძებნილი პირები“, – აცხადებს შსს.