„ერთი რამ ცხადია, ეს ადამიანები არავის აინტერესებს. დღის წესრიგიდან ამოღებულები არიან. არ აინტერესებთ არც მათი ყოველდღიური ქმედებები, რასაც იმ მოძალადეებთან ერთად ყოველდღიურად ახორციელებენ. შესაბამისად, უნდათ, რომ დანაშაულებით თავი შეახსენონ ქვეყნის მოსახლეობას. არსებობს კონკრეტული კადრები კანონდარღვევებისა, ყველას მოჰყვება შესაბამისი რეაგირება“
ასე აფასებს თბილისის მერი კახა კალაძე „კოალიცია ცვლილებისთვის“ ერთ-ერთი ლიდერის, ელენე ხოშტარიას დაკავებას.
„შეჯიბრი მიმდინარეობს, ვინ უფრო მეტი ექსტრემისტია: გედი ფოფხაძე, ელენე ხოშტარია, თუ ლევან ხაბეიშვილი. ამ შეჯიბრში წინ გაიჭრნენ გედი და ლევანი და ახლა [ელენეს] უნდა რომ წამოეწიოს. მეორეც – არ გაუჭირდება არც გირაოს გადახდა, ვინაიდან თუ ვინმე ვინმეს აფინანსებს და მხარს უჭერს, ეს არის რუსეთი და ხოშტარიას ოჯახი. ყოველთვიურად უშველებელი თანხები შემოდის. აქედან გამომდინარე, მის მიმართ გარკვეული ეჭვები ჩნდება და ვფიქრობ, ეს ეჭვები საზღვარგარეთაც არსებობს. განსაკუთრებით, იმ საზოგადოებაში, რომელიც ჩვენ გვიპირისპირდება, მათთვის დასამტკიცებლად, რომ იგი იღებს თანხებს. როგორ შეიძლება ამ ვითარებაში, ასე აზიანებდე ქვეყანას. მხოლოდ ერთადერთი დასკვნა შეიძლება გაკეთდეს. ერთი, რომ მსოფლიოში ისეთი რეალობაა შექმნილი, რომ ამ დაპირისპირებაში საქართველოს ჩართვა არის სტრატეგიულად მნიშვნელოვანი კონკრეტულად ცივსისხლიანი პოლიტიკისათვის, რომელიც აქ არ ყალიბდება. მეორე – რეალურად, რუსეთი, რასაკვირველია, პოლიტიკურად იგებს მაშინ, როდესაც ადამიანთა ჯგუფი საქართველოს ხელისუფლებას უპირისპირდება სწორედ ამ მიზეზით, რომ თურმე, ევროკავშირისკენ არ მიდის და მიდის რუსეთის ორბიტაზე. ეს ორივე შემთხვევა არის გასაერთიანებელი და ერთი დასკვნა გასაკეთებელი – ქვეყანას ებრძვიან საკმაოდ სერიოზული მეთოდებით, მაგრამ ეს მებრძოლი არ არის მხოლოდ ერთი, ბევრი მხარე არის დაინტერესებული საქართველოს დესტაბილიზაციით,“
განაცხადა გია ვოლსკიმ, რითაც მმართველი პარტიის მერობის კანდიდატის, თბილისის მოქმედი მერის, კახა კალაძის საარჩევნო ბანერზე, „კოალიცია ცვლილებისთვის“ ერთ-ერთი ლიდერის, ელენე ხოშტარიას მიერ გაკეთებულ წარწერას – „რუსული ოცნება გამოეხმაურა.
შინაგან საქმეთა სამინსიტრო “კოალიცია ცვლილებებისთვის” ერთ-ერთი ლიდერის, ელენე ხოშტარიას დაკავებასთან დაკავშირებით განცხადებას ავრცელებს სადაც ნათქვამია, რომ ხოშტარიას წინააღმდეგ გამოძიება სისხლის სამართლის კოდექსის 187-ე მუხლით მიმდინარეობს. მას თავისუფლების 5 წლამდე ვადით აღკვეთა ემუქრება.
“შინაგან საქმეთა სამინისტროს თანამშრომლებმა, ნივთის დაზიანების ბრალდებით 1979 წელს დაბადებული ელენე ხოშტარია დააკავეს.
გამოძიების მასალების მიხედვით ბრალდებულმა, მიმდინარე წლის 14 სექტემბერს, თბილისში, მელიქიშვილის გამზირზე, პარტია „ქართული ოცნება – დემოკრატიული საქართველოს“ თბილისის მერობის კანდიდატის საარჩევნო ბანერები დააზიანა.
გამოძიება სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს”, – წერია შსს-ის განცხადებაში.
ბათუმის აეროპორტში პოლიციამ ინტერპოლის წითელი ცირკულარით ძებნილი და Netflix-ის დოკუმენტური სერიალის, „Tinder Swindler“-ის მთავარი პერსონაჟი, ებრაელი სიმონ ლევიევი დააკავა. ინფორმაციას The Jerusalem Post ავრცელებს. ლევაევის დაკავების მიზეზი ამ დრომდე უცნობია, მათ შორის, მისი ადვოკატებისთვისაც.
“მე მას დღეს დილით ვესაუბრე, მას შემდეგ, რაც დააკავეს, მაგრამ ჯერჯერობით მიზეზი არ გვესმის. ის თავისუფლად მოგზაურობდა მთელ მსოფლიოში”. – უთხრა მისმა ადვოკატმა გამოცემა Walla-ს.
საიმონ ლევაევი 35 წლის ისრაელელი თაღლითია, რომლის შესახებაც 2022 წელს Netflix-მა დოკუმენტური სერიალი გადაიღო. ლევაევი წლების განმავლობაში ქალებს აპლიკაცია Tinder-ის საშუალებით უკავშირდებოდა და თავს ბრილიანტების მაგნატის, ლევ ლევაევის მემკვიდრედ წარუდგენდა, შემდეგ კი სხვადასხვა თაღლითური სქემის გამოყენებით მათ ფულს ართმევდა.
“ყველაზე ეფექტური სანქციები ის სანქციებია, რომლებიც ყველაზე სწრაფად მოქმედებს – ეს არის ცეცხლი რუსეთის ნავთობის ქარხნებში, მათ ტერმინალებში, ნავთობბაზებში. მნიშვნელოვნად შევამცირეთ რუსეთის ნავთობის მრეწველობა და ეს ომს მნიშვნელოვნად ზღუდავს. რუსული ომი – ეს ფაქტობრივად ნავთობის, ბუნებრივი აირის და ყველა სხვა რუსული ენერგორესურსის ფუნქციაა.
მადლობას ვუხდი უკრაინის უსაფრთხოების სამსახურის სპეცრაზმელებს, რომლებმაც ბოლო დღეებში პრიმორსკში ძალიან ხარისხიანად იმუშავეს. უმსხვილესი ნავთობის ტერმინალი რუსეთში ბალტიის ზღვაში. მიყენებული აქვს მნიშვნელოვანი დაზიანებები, ყველაფერი გადამოწმებულია. ეს საგრძნობია მტრისთვის. ჩვენი სპეცრაზმელები თვალყურს ადევნებენ ასევე იუსტ-ლუგას პორტსა და ყველა სხვა რუსულ წერტილს მსოფლიო ბაზარზე”.
განაცხადა უკრაინის პრეზიდენტმა, ვოლოდიმირ ზელენსკიმ.
”ეს არის ერთი დიდი სპექტაკლი, რომელიც ძალიან მალე დასრულდება”-ამის შესახებ ყოფილი თავდაცვის მინისტრის, ჯუანშერ ბურჭულაძის ადვოკატმა, მარიამ შათირიშვილმა „ინტერპრესნიუსთან“ განაცხადა.
„ბრალი ჯერ არ არის წაყენებული ოფიციალურად, თუმცა იმ ფაქტის გარშემო, რაზეც ის მოწმის სახით გამოიკითხა და სრულყოფილი ჩვენება მისცა ამ მიმართულებით თავს დამნაშავედ არ ცნობს. ჩვენ ვთვლით, რომ ეს არის ერთი დიდი გაუგებრობა და რაღაც სპექტაკლს უფრო ჰგავს. ეს არის ერთი დიდი სპექტაკლი, რომელიც, სავარაუდოდ, ძალიან მალე დასრულდება, რადგან არ არსებობს ბუნებაში მტკიცებულება, რომელიც მის ბრალს დაადასტურებს. ჩვენ ვიბრძოლებთ მხოლოდ კანონით დადგენილი წესით. ჩვენ გვაქვს ყველანაირი მტკიცებულება, რაც გააბათილებს ბრალდების მხრიდან წამოსულ ვარაუდებს“, – განაცხადა მარიამ შათირიშვილმა.
ცნობისთვის, თავდაცვის ყოფილი მინისტრი ჯუანშერ ბურჭულაძე დააკავეს. სახელმწიფო უსაფრთხოების სამსახურის განმარტებით, ბურჭულაძე სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტზე დააკავეს, რასაც თან ახლდა განსაკუთრებით დიდი ოდენობით შემოსავლის მიღება. ჯუანშერ ბურჭულაძეს 9-დან 12-წლამდე თავისუფლების აღკვეთა ემუქრება.
“ხაბეს ამბავს რაც შეეხება. ცხადია მისი დაკავება სისულელეა – შეუძლებელია პოლიტიკოსის მიერ, ბიუჯეტიდან თანხის გაცემაზე დაპირების გაცემა რამენაირად ქრთამი იყოს. ქრთამი იყო მაშინ, როდესაც ქოცები ივანიშვილის ფულით დაჰპირდნენ, წლების წინ, მოქალაქეებს, საარჩევნო ხმების სანაცვლოდ, სესხების გასტუმრებას. მიუხედავად იმისა, რომ დიდი ნაწილი გადააგდეს, რაღაც ნაწილსაც გაისტუმრა კიდეც.
აი ეს იყო ქრთამი – საკუთარი ჯიბიდან ადამიანებს დაჰპირდა სესხების დაფარვას. “ოცნების” მთელი ელიტა, ივანიშვილის ჩათვლით მაგის გამო დასაჭერები არიან.
ხაბეიშვილი რატომ დააკავეს გასაგებია – ხალხს ეძახდა ქუჩაში. აკეთებდა ერთადერთ სწორ რამეს. ბრძოლის ერთადერთი სწორის გზა ჰქონდა – რაც შეიძლება მეტი ხალხი ქუჩაში.
ის ამბობდა, მე მჯერაო, რომ იმდენიო შეიძლება გამოვიდეს ქუჩაში, რომ რეჟიმი შეიძლება ჩამოიშალოსო. ის ამის გამო დააკავეს. ამის ეშინიათ – ძალიან ბევრი ხალხის. რადგანაც ხაბე დაიჭირეს ამის გამო, ესე იგი, ესაა სწორი გზა და არა სხვა რამ, თუნდაც მათ დანიშნულ არჩევნებში მონაწილეობა. ბევრი ხალხი ქუჩაში გამოყვანა არის ერთადერთი სწორი გზა – მაშინ ჩამოიშლება რეჟიმი”,
განაცხადა”კოალიცია ჩვლილებებისთვის” ლიდერმა, ზურაბ ჯაფარიძემ ფორმულასთან საუბრისას.
მიუხედავად იმისა, რა უსამართლო დაკავებებიც არსებობს დღეს საქართველოში – იგონებენ, ცილს სწამებენ მათ. ალბათ, სხვა დაკავებებიც მოხდება. ჩვენ გვინდა გითხრათ, რომ ეს ომი, ბრძოლა 4 ოქტომბერს, უკვე მოგებული გვაქვს. ყველაფერი, ახლა რაც ხდება ამ მშიშარა რეჟიმის შედეგია. სხვანაირად ვერ აღწერ – ან უნდა დაგიჭირონ, ან უნდა დაგამცირონ. ეს ომი ჩვენ მოვიგეთ, რაც უნდა გავაფორმოთ 4 ოქტომბერს და ჩვენ ამასაც ვიზამთ. ასე, რომ ვიდგეთ მედგრად, ერთად. ჩვენი საქმე მართალია. აუცილებლად გავიმარჯვებთ. 4-ში ვიწყებთ და 4-ში ვამთავრებთ ამ რეჟიმს.
განაცხადა პაატა ბურჭულაძემ
თავისთავად, ეს არის უკვე ძალიან მძიმე ფაქტი, რომ კონკრეტული ეჭვმიტანილი, ფიგურანტი ამ საქმის საუბრობს უკრაინის სპეცსამსახურებზე, რა თქმა უნდა, ეს არის ის საკითხი, რითაც განსაკუთრებით უნდა დაინტერესდეს უსაფრთხოების სამსახური და ბუნებრივია, დაინტერესდება კიდეც.
რაც შეეხება შესაძლო კავშირს, იმ მოვლენებთან, შიდაპოლიტიკურ მოვლენებთან, რომლებიც ვითარდება ჩვენს ქვეყანაში, მათ შორის, ამ დაანონსებულ, ეგრეთწოდებულ, დამხობასთან ეს არის ის საკითხი, რომლითაც სახელმწიფო უსაფრთხოების სამსახური უნდა დაინტერესდეს. თქვენ ხედავთ, რომ აბსოლუტურად სასოწარკვეთილია ოპოზიცია და ეს არის მთავარი მიზეზი. ასეთ დროს, რა თქმა უნდა, მათ ნებისმიერი ტიპის პროვოკაციაზე შეიძლება დაიწყონ ფიქრი. ასეთ დროს განსაკუთრებული ყურადღება მართებს სახელმწიფო უსაფრთხოების სამსახურს და დარწმუნებული ვარ, რომ სუს-ი ბოლომდე მიყვება ამ საქმეს, რომ ნებისმიერი ასეთი ფაქტი უნდა იყოს სრულად გამოძიებული და უნდა დავადგინოთ, ვის უნდა ჩვენს ქვეყანაში არეულობის შემოტანა, ვის უნდა ჩვენი ქვეყნისთვის ზიანის მიყენება, რა თქმა უნდა, ჩვენ არ დავუშვებთ ასეთ რამეს, შესაბამისად, რეაგირება იქნება ყველაფერზე მკაცრი.
„მე მინდა ახლა მოვყვე ქალთა ციხეში რა მდგომარეობაა. ჩემი დაკავების დროს იყო გაჟღერებული ის ფაქტები, რაც მუქარაა. ისინი მემუქრებოდნენ, რომ შენ იყვირებ, ტკივილისგან დაიტანჯები და არც ერთი ექიმი არ მოვა. ასეც ხორციელდება. ეს განხორციელებული მუქარაა. ეს არის პოლიციელის განხორციელებული მუქარა, რომელმაც ციხეში მომიყვანა. მან მითხრა, ეს შენი სამუდამო სამყოფელი იქნება, შენ აქ მოკვდები. იცი რატომ მოკვდები?! შენ მოგწამლავენ. მან მითხრა არა მოგწამალვენ, არამედ შენ სიკვდილს განახორციელებენ, შენ ტკივილისგან იყვირებ, მაგრამ შენთან არავინ მოვა. შეიძლება ითქვას, რომ 9 თვის განმავლობაში იყო მოწამვლის 2 შემთხვევა. […] რამდენიმე დღის წინ მე ჩემი საჭმელი თეფში მივაწოდე გოგონას [თანამესაკნეს]. წელი მტკიოდა და ვერ შევძელი ჭამა და ეს გოგონა, რომელმაც ეს საჭმელი შეჭამა, დღემდე ტემპერატურით წევს, მას აღებინებს, ძალიან ცუდად არის. მან შეჭამა საჭმელი, რომელიც მე მეკუთვნოდა“.
განაცხადა, განაჩენის გამოცხადებამდე ანასტასია ზინოვკინამ.
აქციების დროს ნარკოდანაშაულის ბრალდებით დაკავებულ ანასტასია ზინოვკინასა და არტემ გრიბულს 8.5-8.5 წლით თავისუფლების აღკვეთა მიესაჯათ. გადაწყვეტილება მოსამართლე ნინო გალუსტაშვილმა გამოიტანა.