საქართველოს პრეზიდენტის ადმინისტრაცია უარყოფს გავრცელებულ ინფორმაციას იმის შესახებ, რომ თურქეთის კლინიკაში ცოტნე გამსახურდიას იზოლაცია მანანა არჩვაძის სურვილითა და პრეზიდენტის მიერ გაგზავნილი წერილის საფუძველზე ხდება. ადმინისტრაციის ცნობით, არანაირი წერილი პრეზიდენტის ადმინისტრაციის მხრიდან ამ თემასთან დაკავშირებით არ მომზადებულა და მით უფრო, თურქეთის კლინიკაში არ გაგზავნილა.
შეგახსენებთ, ცოტნე გამსახურდიას მეუღლის ანა ჯაბაურის ადვოკატმა გაავრცელა ინფორმაცია, რომ სტამბოლის კლინიკაში მყოფ ცოტნე გამსახურდიას, მანანა არჩვაძე სრულ იზოლაციაში ამყოფებს. ანა ჯაბაურის უფლებადამცველის თქმით, ანა ჯაბაურს კლინიკაში ცოტნესთან არ უშვებენ.
Leave a Reply