“შენელებული მოქმედების ნაღმზე დავსვით საზოგადოება“–გია ხუხაშვილი პრეზიდენტის გადაწყვეტილებაზე

ექსპერტი გია ხუხაშვილი თვლის, რომ პრეზიდენტის გადაწყვეტილებით, არ შეიწყალოს დეკანოზი მამალაძე, საზოგადოებაში უსამართლობის განცდა კიდევ უფრო გამყარდა:

“რა მოხდებოდა, დეკანოზი გიორგი მამალაძე რომ შეეწყალებინათ?

ცუდ შემთხვევაში, გამოვიდოდა ტელევიზიით და რაღაც ბრალდებებს წაუყენებდა საპატრიარქოს და მის კონკრეტულ მესვეურებს. რამდენიმე დღე ამაზე ვისაუბრებდით. ვიღაცა დაიჯერებდა, ვიღაცა არა. მაგრამ საპატრიარქოს ექნებოდა მორალური უპირატესობა, როგორც მიმტევებელს და სულგრძელს ცოდვილის მიმართ. შესაბამისად, დიდი ალბათობით, მოხდებოდა მისი მარგინალიზება და ცოტა ხანში ყველას მიავიწყდებოდა.
რა მოხდა ახლა?

ვიღაცას კიდევ უფრო გაუმყარდა უსამართლობის განცდა. ვიღაცას ეჭვის მარცვალი ჩაუსახლდა. ანუ, ამ თემაზეც შენელებული მოქმედების ნაღმზე დავსვით საზოგადოება.

ჩემის აზრით გრძელვადიან პერსპექტივაში ყველამ წააგო. იმანაც წააგო, ვისთვისაც სეიფში შენახული კომპრომატით მართვა ერთგვარ ნარკოტიკად იქცა და სხვაგვარად ვეღარც წარმოუდგენია.“– ამბობს ხუხაშვილი.