“ადამიანები, რომლებიც სარგებლობენ საზოგადოებრივი ტრანსპორტით, ყველანი არიან ბედნიერები და გახარებულები, ახლა ბევრს გამოველაპარაკე” – ეს განცხადება თბილისის მერმა კახა კალაძემ, წყნეთში ავტობუსით ასვლის შემდეგ გააკეთა.
ახალი ავტობუსები, რომელთა პრეზენტაციაც გუშინ გაიმართა, თბილისი-წყნეთის მარშრუტზეც დაინიშნა და მათ ყვითელი “ბოგდანები” ჩაანაცვლეს. კალაძემ ამ გასეირნებით, ადგილობრივებს ახალი ავტობუსების დანიშვნა მიულოცა და განაცხადა, რომ მერია ამაზე არ გაჩერდება და წინ კიდევ ბევრი პროექტი აქვს.
“აქ გადაადგილდებოდა ყვითელი ავტობუსები, რომლის მდგომარეობა ყველამ ძალიან კარგად ვიცით და არ დავიწყებ ამის ახსნას. ახალი ავტობუსები მართლა ძალიან ლამაზი და კომფორტულია,” – აღნიშნა მერმა.
Leave a Reply