კიევის ოლიმპიურ სტადიონზე ზელენსკისა და პოროშენკოს დებატები იმართება

კიევის ოლიმპიურ სტადიონზე უკრაინის პრეზიდენტობის კანდიდატების პეტრო პოროშენკოსა და ვლადიმერ ზელენსკის დებატები მიმდინარეობს.

დებატებს სტადიონზე 70 ათასი ადამიანი ესწრება. 

უკრაინაში საპრეზიდენტო არჩევნები 31 მარტს ჩატარდა, თუმცა ხმათა 50 პროცენტის მოგროვება ვერცერთმა კანდიდატმა ვერ შეძლო.

უკრაინის ცენტრალურმა საარჩევნო კომისიის საპრეზიდენტო არჩევნების პირველი ტურის საბოლოო შედეგების მიხედვით, ვლადიმერ ზელენსკიმ 30,24% მიიღო, პეტრო პოროშენკომ – 15,95%.

უკრაინის საპრეზიდენტო არჩევნების მეორე ტური 21 აპრილს გაიმართება.

სტადიონზე დებატების იდეა შოუმენ ვლადიმერ ზელენსკის ეკუთვნის, მან პოროშენკო დებატებში თვის დასაწყისში გამოიწვია.