ტაძრის ჩრდილოეთი ნაწილი, რომლის ჩამონგრევას შესაძლოა მთელი კონსტრუქციის ჩამოშლა მოჰყოლოდა, მეხანძრეების ინფორმაციით გადარჩა. ცეცხლის ინტენსივობამ იკლო, თუმცა ტაძარი კვლავ იწვის და ცეცხლის ჩაქრობას კიდევ რამდენიმე საათი დასჭირდება. სავარაუდოდ მოხერხდება წინა ორი კოშკის გადარჩენა და ფასადის შენარჩუნება. განადგურებულია სახურავის დიდი ნაწილი და ინტერიერი მთლიანად.
ხანძარი პარიზის ღვთისმშობლის ტაძარში ადგილობრივი დროით 18:50 საათზე დაიწყო. ტაძარში სარესტავრაციო სამუშაოები მიმდინარეობდა. ხანძრის დაწყებისთანავე ხალხის ევაკუაცია მოხდა.
ხანძარმა ტაძარი თითქმის მთლიანად გაანადგურა. ჩამოიქცა მთავარი კოშკი და სამრეკლო.
პარიზის ღვთისმშობლის ტაძრის მთავარი რელიქვია – ქრისტეს ეკლის გვირგვინი გადარჩა.
პარიზის პროკურორის განცხადებით სისხლის სამართლის საქმე აღძრულია მუხლით:„ზიანის მიყენება გაუფრთხილებლობით„.
Leave a Reply