Tag: ვოლოდიმირზელენსკი

“დღეს პრეზიდენტმა ტრამპმა ძალიან მნიშვნელოვანი განცხადება გააკეთა. ეს სიმართლეა: სწორედ რუსეთი აკეთებს ყველაფერს სამშვიდობო ძალისხმევის ჩასახშობად და ომის გასაჭიანურებლად. ყოველ ღამე ხდება დარტყმები – რუსეთის მუდმივი მცდელობები, ზიანი მიაყენოს უკრაინას. მართლაც, მშვიდობა შესაძლებელია, თუ ჩვენ ძლიერად და გადამწყვეტად ვიმოქმედებთ. არაერთხელ განვაცხადეთ – და ყველა პარტნიორმა იცის ეს – რომ სანქციები მთავარი ელემენტია. რუსეთი მხედველობაში იღებს სანქციებს, ასეთ დანაკარგებს. მშვიდობა სიძლიერის დახმარებით შესაძლებელია.

უკრაინა, როგორც ყოველთვის, მზადაა ითანამშრომლოს ამერიკასთან, პრეზიდენტ ტრამპთან, რაც შეიძლება პროდუქტიული გზით, რათა ეს ომი ღირსეულად და ხანგრძლივი მშვიდობით დასრულდეს. მადლობას ვუხდი უკრაინის საგარეო პოლიტიკის გუნდს. ყველას, ვინც ამისთვის – ამერიკასთან ჭეშმარიტად მნიშვნელოვანი ურთიერთობისთვის, მუშაობს“,

უკრაინის პრეზიდენტი, ვოლოდიმირ ზელენსკი დონალდ ტრამპის მიერ გაკეთებულ განცხადებას ეხმაურება.

“ფონ დერ ლაიენმა ზელენსკის ბოლო საკანონმდებლო ცვლილებებზე ძლიერი შეშფოთების შესახებ შეატყობინა”- ამის შესახებ ევროკომისიის წარმომადგენელმა, გიიომ მერსიემ გამოცემა Politico-სთან საუბარში განაცხადა.

“ევროკომისიის პრეზიდენტი პრეზიდენტ ზელენსკის დაუკავშირდა ბოლო მოვლენების თაობაზე. [ევროკომისიის] პრეზიდენტმა ფონ დერ ლაიენმა ძლიერი შეშფოთების შესახებ შეატყობინა ბოლო საკანონმდებლო ცვლილებების შედეგების თაობაზე და უკრაინის მთავრობას ახსნა სთხოვა.

კანონის უზენაესობის პატივისცემა და კორუფციის წინააღმდეგ ბრძოლა ევროკავშირის ძირეული ელემენტებია. როგორც კანდიდატი ქვეყნისგან, უკრაინისგან ამ სტანდარტების სრულად დაცვას მოელიან. კომპრომისი ვერ იქნება”, – განაცხადა მერსიემ.

დონალდ ტრამპმა ვლადიმირ ზელენსკის განუცხადა, რომ უკრაინისთვის სამხედრო დახმარების შეწყვეტის ბრძანება არ გაუცია, იუწყება ამერიკული გამოცემა Wall Street Journal, რომელიც ეყრდნობა იმ პირებს, ვინც ამერიკისა და უკრაინის პრეზიდენტების ბოლო სატელეფონო საუბრის შინაარსს იცნობს.

როგორც Wall Street Journal წერს, ტრამპმა პარასკევს ზელენსკის უთხრა, რომ მისი მითითებით მხოლოდ ამერიკული საბრძოლო მასალის მარაგების აუდიტი ჩატარდა – მას შემდეგ, რაც აშშ-მა ირანში ბირთვულ ობიექტებზე დარტყმები განახორციელა.

„მაგრამ მან განაცხადა, რომ არ მიუცია ბრძანება თავდაცვის სამინისტროსთვის, შეეჩერებინა შეიარაღების მიწოდება,“ – უთხრეს გამოცემას წყაროებმა.

ორშაბათს ტრამპმა დაადასტურა, რომ შეერთებული შტატები უკრაინას ახალ სამხედრო დახმარების პარტიებს გაუგზავნის, ხოლო პენტაგონმა მაშინვე გამოაცხადა, რომ ამ მიწოდებას უკვე იწყებს.

ტრამპმა თქვა, რომ ამერიკას ისევ მოუწევს უკრაინისთვის იარაღის მიწოდება. პენტაგონმა მაშინვე განაცხადა, რომ უკვე იწყებს გადაზიდვებს.

მანამდე გავრცელდა ინფორმაცია, რომ აშშ-მ დროებით შეაჩერა კიევისთვის იარაღის, მათ შორის „პატრიოტის“ საჰაერო თავდაცვის რაკეტების, ჭურვებისა და სხვა რაკეტების მიწოდება. ოფიციალურად ეს ახსნილი იყო ამერიკული მარაგების ამოწურვით, თუმცა ჟურნალისტები იუწყებოდნენ, რომ რეალურად ამერიკული შეიარაღების ოდენობა შეშფოთებას არ იწვევდა.
დონალდ ტრამპის ხელისუფლებაში მოსვლის შემდეგ, მის მიერ დანიშნულმა თავდაცვის მინისტრმა პიტ ჰეგსეტმა უკვე სამჯერ შეაჩერა უკრაინისთვის იარაღის მიწოდება. ყველა ამ შემთხვევაში ეს გადაწყვეტილება რამდენიმე დღეში უქმდებოდა და სამხედრო დახმარება კვლავ აღდგა.

„ჩვენს ქალაქებსა და რეგიონებში საჰაერო თავდასხმის განგაში და მედიაში ინფორმაცია პრეზიდენტ ტრამპსა და პუტინს შორის სატელეფონო საუბრის შესახებ თითქმის ერთდროულად გავრცელდა. რუსული დარტყმის მთავარი სამიზნე დედაქალაქი იყო. ჩვენმა მეომრებმა მოახერხეს 270 საჰაერო სამიზნის ჩამოგდება, კიდევ 208 დრონი რადიოელექტრონული ბრძოლის სისტემით დაბლოკეს. დრონების გამანადგურებლებმა დაიწყეს მოქმედება – ათობით დრონი ჩამოაგდეს. ჩვენ ყველაფერს ვაკეთებთ ჩვენი ქალაქებისთვის თავდაცვის ამ ელემენტის განვითარებისთვის. კრიტიკულად მნიშვნელოვანია, რომ ჩვენმა პარტნიორებმა განაგრძონ ჩვენი მხარდაჭერა ბალისტიკური რაკეტებისგან დაცვაში. Patriot-ები და მათი რაკეტები სიცოცხლის ნამდვილი დამცველები არიან.[…] ეს ყველაფერი ნათელი დასტურია, რომ ჭეშმარიტად ფართომასშტაბიანი ზეწოლის გარეშე, რუსეთი არ შეცვლის თავის სულელურ, დესტრუქციულ ქცევას. ადამიანებისა და ადამიანების სიცოცხლის წინააღმდეგ ყოველი ასეთი დარტყმისთვის, მათ უნდა იგრძნონ შესაბამისი სანქციები და სხვა დარტყმები მათი ეკონომიკის, შემოსავლებისა და ინფრასტრუქტურისთვის. ეს არის ერთადერთი, რისი სწრაფად მიღწევაც შესაძლებელია სიტუაციის უკეთესობისკენ შესაცვლელად და ეს დამოკიდებულია ჩვენს პარტნიორებზე, პირველ რიგში, შეერთებულ შტატებზე“

ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

თამამად შეგვიძლია, ვთქვათ, რომ ეს აბსოლუტურად უნიკალური ოპერაცია იყო, ყველაზე საინტერესო და ეს უკვე საჯაროდ შეიძლება, ითქვას, არის ის, რომ ჩვენი ოპერაციის ოფისი რუსეთის ტერიტორიაზე მდებარეობდა, პირდაპირ ეფ ეს ბე-ს დირექტორატის გვერდით მათ ერთ-ერთ ოლქში. ვადასტურებ, რომ დავარტყით სტრატეგიული ავიაციის თვითმფირნავების 34%-ს. სამიზნეებზე დარტყმის დროს დრონები ავტონომიურად კი არ მოქმედებდნენ, არამედ ოპერატორები მართავდნენ. ოპერაციაში სულ 117 დრონი გამოიყენეს და შესაბამისი რაოდენობის დრონების ოპერატორი მუშაობდა. ყველა, ვინც ოპერაციაში მიიღო მონაწილეობა, რუსეთიდან დროულად გაიყვანეს,

აცხადებს უკრაინის პრეზიდენტი ვოლოდიმირ ზელენსკი რუსეთის აეროდრომებზე განხორციელებული ოპერაციაზე. ზელენსკი ამბობს, რომ უკრაინის ოპერაციის ოფისი რუსეთის ეფ ეს ბე-ს დირექტორატის გვერდით მდებარეობდა. მისი თქმით, განადგურებულია რუსეთის სტრატეგიული ავიაციის თვითმფირნავების 34%-ი.

ზელენსკი აცხადებს, რომ ყველა, ვინც აღნიშნულ ოპერაციაში მიიღო მონაწილეობა, უკვე სამშობლოშია და უსაფრთხოდაა.

“ტყვეების პირველი ნაწილი დავაბრუნეთ. ამ შეთანხმებას თურქეთში მოლაპარაკებების დროს მივაღწიეთ და მნიშვნელოვანია მისი სრულად რეალიზება. დღეს – 390 ადამიანი [დავაბრუნეთ].” – განაცხადა უკრაინის პრეზიდენტმა ვოლოდიმირ ზელენსკიმ.

“ჩვენ ხალხს უკან, სახლში ვაბრუნებთ. ტყვეების პირველი ნაწილი დავაბრუნეთ. ამ შეთანხმებას თურქეთში მოლაპარაკებების დროს მივაღწიეთ და მნიშვნელოვანია მისი სრულად რეალიზება. დღეს – 390 ადამიანი [დავაბრუნეთ]. შაბათს და კვირას ველოდებით გაცვლის გაგრძელებას. ყველას მადლობას ვუხდი, ვინც გვეხმარება, ვინც 24/7-ზე მუშაობს იმისთვის, რათა უკრაინელები სახლში დაბრუნდნენ. ძალიან მნიშვნელოვანია, ყველა დავაბრუნოთ, ვინც ტყვეობაშია. ვამოწმებთ თითოეულ გვარს, ინფორმაციას. გავაგრძელებთ ჩვენ დიპლომატიურ სამსახურს, რათა ასეთი ნაბიჯები შესაძლებელი გახდეს”, – წერს ზელენსკი.

“ჩვენ არ გამოვიყვანთ ჯარებს ჩვენი ტერიტორიებიდან, ეს ჩემი, ჩვენი ძალების კონსტიტუციური მოვალეობაა… არანაირი ულტიმატუმი არ იქნება, არავინ აპირებს თავისი მიწების, თავისი ხალხის, თავისი სახლების დათმობას. არ ვიცი, რა პრინციპები აქვს [პუტინის მიერ აღნიშნულ მემორანდუმს], მაგრამ თუ რუსეთი ჩვენი ჯარების ჩვენი მიწებიდან გაყვანისთვის პირობებს დააწესებს – ეს ნიშნავს, რომ მათ არ სურთ ომის დასრულება. რადგან მათ ნათლად ესმით, რომ უკრაინა ამას არ გააკეთებს”

განაცხადა უკრაინის პრეზიდენტმა, ვოლოდიმირ ზელენსკიმ.