Category: ახალი ამბები

კოალიციამ ლელო – ძლიერი საქართველო და გიორგი გახარიას პარტიამ საქართველოსთვის თბილისის მერობის საერთო კანდიდატად ირაკლი კუპრაძე წარადგინა.

„ლელო-ძლიერი საქართველოს“ გენერალური მდივნის, ირაკლი კუპრაძის თბილისის მერობის კანდიდატად წარდგენა რიყის პარკში გაიმართა. კუპრაძე კანდიდატად ალეკო ელისაშვილმა წარადგინა.

„გახარია საქართველოსთვის“ ლიდერმა ანა ბუჩუკურმა თქვა, რომ მოხარულია, ორ პოლიტიკურ ძალას შორის საწყისი, გამხსნელი ეტაპის დადგომით.

„დარწმუნებული ვართ, რომ წარმატებით გაგრძელდება ჩვენი თანამშრომლობა. ჩვენ არ ვიბრძვით ერთმანეთის წინააღმდეგ, ჩვენ ვიბრძვით იმ სისტემის წინააღმდეგ, რომელმაც დემოკრატია ჩაანაცვლა ავტოკრატიით“, – განაცხადა ანა ბუჩუკურმა.

გიორგი გახარიას პარტიამ და კოალიციამ ლელო – ძლიერი საქართველო 2025 წლის 4 ოქტომბრის ადგილობრივი თვითმმართველობის არჩევნებზე ურთიერთთანამშრომლობის მემორანდუმი 14 ივლისს გააფორმეს.

დოკუმენტს ხელი მოაწერეს პარტიის აღმასრულებელმა მდივანმა ბერდია სიჭინავამ და კოალიციის გენერალურმა მდივანმა ირაკლი კუპრაძემ.

დოკუმენტის თანახმად, მხარეები შეთანხმდნენ თვითმმართველობის არჩევნებზე ერთობლივი ბრძოლისა და კოორდინაციის შესახებ.

„ცნობილი ხდება, რომ თურმე, ამ უსამშობლოების პატრონები აფინანსებენ ევროპულ ქვეყნებში ჩვენს ახალგაზრდებს, რომ მორიგ ჯერზე გააყოფინონ თავი დანაშაულში, შეცდომაში შეიყვანონ და ეს ახალგაზრდები გამოიყენონ თავიანთი ინტერესებისთვის, რათა აქ ქაოსი და არეულობა იყოს. ამჯერად, ინფორმაცია გულისხმობს, რომ თურმე, ლიეტუვაში ფინანსდება ბრიტანეთის საელჩოს მხრიდან და ჩვენი ახალგაზრდების გადამზადება ხდება, ისევ ქუჩის აქციებისთვის, სახელმწიფო უწყებებზე შტურმისთვის, პოლიციასთან შეტაკებისთვის. ჩვენ ამის შესახებ არა ერთხელ გავაფრთხილეთ მშობლები, ნუ გამოაყენებინებთ თქვენს შვილებს ამ უსამშობლოებს. ახლაც მოგმართავთ მშობლებო, მოიკითხეთ თქვენი შვილები. ისინი იტყუებიან, თითქოსდა, მათ ცოდნას აძლევენ, სინამდვილეში, ამ საფარქვეშ ამზადებენ მოძალადეებს. ნუ გამოაყენებინებთ თავს, დაიცავით თქვენი შვილები. ჩვენ გასულ წელს ვაფრთხილებდით მშობლებს და მივიღეთ შედეგი – მშობლები, რომლებიც დგანან გარეთ, ტირიან და მოთქვამენ. არავის გვიხარია როდესაც მათი შვილები, ეს ახალგაზრდები, ჩვენი მოქალაქეები ასეთ დღეში არიან, მაგრამ არის სახელმწიფო, კანონმდებლობა და სახელმწიფო ვალდებულია, რეაგირება მოახდინოს. ნუ აიძულებთ სახელმწიფოს, რომ თქვენს შვილებზეც ანალოგიური რეაგირება მოახდინოს. გამორიცხულია, აქ რევოლუცია არ განხორციელდება, ამის საფუძველი არ არსებობს, მაგრამ ამ უსამშობლოების პატრონები უტიფრად იყენებენ თქვენ შვილებს, რომ ახალგაზრდები გააბრიყვონ და შემდეგ ძალადობისკენ უბიძგონ. ნუ დაუშვებთ ამას. მოიკითხეთ თქვენი შვილები, სად არიან, ვინ ამზადებს და რისთვის, მერე გვიან იქნება,“

ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ ჟურნალისტებთან განაცხადა, რითაც გამოეხმაურა მედიაში გავრცელებულ ინფორმაციას, რომ „ლიეტუვაში, დიდი ბრიტანეთი ქართველ აქტივისტებს ოქტომბრის არჩევნებისთვის ამზადებს“.

„უკრაინა კიდევ ერთხელ დაესხა თავს უნგრეთისკენ მიმავალ ნავთობსადენს, რამაც მიწოდების შეწყვიტა გამოიწვია. ჩვენი ენერგეტიკული უსაფრთხოების წინააღმდეგ განხორციელებული ეს დარტყმა აღმაშფოთებელი და მიუღებელია!.[…]სამწელიწადნახევრის განმავლობაში ბრიუსელი და კიევი ცდილობენ უნგრეთის უკრაინაში ომში ჩათრევას. ჩვენი ენერგომომარაგების წინააღმდეგ უკრაინის მხრიდან არაერთი თავდასხმა ამავე მიზანს ემსახურება. მინდა ნათლად განვაცხადო: ეს ჩვენი ომი არ არის. ჩვენ ამასთან არაფერი გვაქვს საერთო და სანამ ჩვენ ვართ პასუხისმგებელი, უნგრეთი არ ჩაერევა და ბოლოს, შეხსენება უკრაინელი გადაწყვეტილების მიმღები პირებისთვის: უნგრეთიდან მოწოდებული ელექტროენერგია სასიცოცხლოდ მნიშვნელოვან როლს ასრულებს თქვენი ქვეყნის ენერგომომარაგებაში“,

აცხადებს უნგრეთის საგარეო საქმეთა მინისტრი, პიტერ სიიარტო .