Category: სხვადასხვა

ფინური მუსიკალური ბიზნესის თითქმის ათასხუთასმა მოღვაწემ ხელი მოაწერა პეტიციას ისრაელის ევროვიზიის სიმღერის კონკურსიდან გარიცხვის მოთხოვნით. კონკურსის ორგანიზატორები ამის მიზეზს ჯერჯერობით ვერ ხედავენ.

პეტიციის ავტორები ისრაელს ღაზას სექტორში სამხედრო დანაშაულებში ადანაშაულებენ. მათ მიაჩნიათ, რომ თუ კონკურსის ორგანიზატორი, ევროპის მაუწყებელთა კავშირი (EBU), უარს იტყვის ისრაელების გარიცხვაზე, მაშინ ფინურმა მაუწყებელმა, Yle-მ უნდა ფინელი კონკურსანტი უნდა გაიწვიოს.

პეტიციის ერთ-ერთმა ავტორმა, კულტურის აქტივისტმა ლუკას კორპელაინენმა გაზეთ Hufvudstadsbladet-ს განუცხადა, რომ ევროვიზიის ორგანიზატორებმა არ უნდა მისცენ ისრაელს საშუალება კონკურსში მონაწილეობით „გაისუფთაოს თავისი იმიჯი“.

ავტორები მაუწყებელს Yle-ს ორმაგ სტანდარტებში ადანაშაულებენ იმ მოტივით, რომ მისმა წარმომადგენლებმა პირველებმა მოითხოვეს რუსეთის გარიცხვა ევროვიზიიდან უკრაინაზე თავდასხმის შემდეგ.

Yle-ის მენეჯმენტის წევრმა ვილ უილენმა  რუსეთის უკრაინაში  შეჭრიდან მეორე დღეს თქვა, რომ ეს ეწინააღმდეგება ყველა იმ ღირებულებებს, რომლებსაც Yle და ევროპის სხვა მაუწყებლები წარმოადგენენ და ამიტომ რუსი მონაწილეები არ უნდა დაუშვან კონკურსში.

ახლა ვილენი ამბობს, რომ რუსეთისა და ისრაელის ერთ დონეზე დაყენება შეუძლებელია.

„რაც არ უნდა საშინელი იყოს [ღაზას მოვლენები], ეს არ არის აგრესიული ომი სახელმწიფოებს შორის, როგორც რუსეთსა და უკრაინას შორის“, განუცხადა მან გაზეთ „ილტა სანომატს“ რამდენიმე ხნის წინ.

პეტიციასთან დაკავშირებით, Yle-ს სპიკერმა ჯერე ნურმინენმა განუცხადა გაზეთ Hufvudstadsbladet-ს, რომ კომპანია აკვირდებოდა სიტუაციას და განიხილავდა მას EBU-სთან და ევროპის სხვა საზოგადოებრივ მაუწყებლებთან. გარდა ამისა, მისი თქმით, Yle-ს მენეჯმენტი პეტიციის ავტორებთან შეხვედრას აპირებს.

ევროპის მაუწყებელთა კავშირმა დეკემბერში განაცხადა, რომ ევროვიზიის სიმღერის კონკურსს მართავენ მაუწყებლები და არა მთავრობები და რომ ისრაელის კომპანია აკმაყოფილებს კონკურსში მონაწილეობის ყველა მოთხოვნას.

წლევანდელი ევროვიზია მაისის დასაწყისში შვედეთის ქალაქ მალმოში გაიმართება.

კონკურსზე ბრიტანეთს პოპ მომღერალი ოლი ალექსანდრე წარადგენს , რომელიც ასევე გამოვიდა  ისრაელის წინააღმდეგ და  მხარი დაუჭირა განცხადებას, რომელიც ისრაელს გენოციდში ადანაშაულებს. ისრაელის ხელისუფლების წარმომადგენელმა უპასუხა, რომ მსგავსი ბრალდებები აბსურდულია ისინი,  ვინც განცხადებას მოაწერეს ხელი, მიკერძოებულობაში დაადანაშაულა.

დეკემბერში ისლანდიის კომპოზიტორთა და სიმღერის ავტორ პოეტთა ასოციაცია  ევროვიზიის სიმღერის კონკურსის ბოიკოტისკენ  მოწოდებით გამოვიდა იმ დრომდე, სანამ ისრაელს კონკურსიდან არ მოხსნიან.

ღაზას სექტორში სამთვიანი ომის დროს, ჰამასის ჯგუფის მიერ კონტროლირებადი ადგილობრივი ჯანდაცვის სამინისტროს მონაცემებით, 23 ათასზე მეტი ადამიანი დაიღუპა.

ომი დაიწყო მას შემდეგ, რაც ჰამასმა და სხვა ისლამისტურმა დაჯგუფებებმა 7 ოქტომბერს ტერორისტული თავდასხმა განახორციელეს  ისრაელის კიბუციებსა  და ქალაქებზე ღაზას სექტორის მახლობლად, მოკლეს  დაახლოებით 1200 ადამიანი, ძირითადად მშვიდობიანი მოსახლეობა და მძევლად აიყვანეს 240-მდე ადამიანი.

იტალიური ნაპოლის თავდამსხმელი, ვიქტორ ოსიმენი ხვიჩა კვარაცხელიას აგენტის, მამუკა ჯუღელის ინტერვიუს გამოეხმაურა და მას ამაზრზენი და სამარცხვინო უწოდა.

“ძვირფასო მამუკა ჯუღელო, ამაზრზენი და სამარცხვინო ხარ. შენი მსჯელობის მრცხვენია. იდიოტო. ჩემი სახელი აღარ ახსენო”. – წერს ოსიმენი Instagram-ის სთორიში.

მამუკა ჯუღელმა საქართველოს საზოგადოებრივი მაუწყებლის „პირველ არხთან“ საუბარში განაცხადა, რომ ოსიმენი მომავალ ზაფხულს კარიერას საუდის არაბეთის კლუბში გააგრძელებს, კვარაცხელიასთვის კი მსგავსი ნაბიჯის გადადგმა მიუღებელია.

დანიის დედოფალმა მარგრეტე II-მ ერისადმი საახალწლო სატელევიზიო მიმართვის დროს მოულოდნელად სამეფო ტახტიდან გადადგომის შესახებ გამოაცხადა.

ტახტიდან ოფიციალური გადადგომა 14 იანვარს შედგება. სწორედ ამ დღეს შესრულდება 52 წელი შესრულდება მას შემდეგ, რაც ის დედოფალი გახდა.

მარგრეტეს წასვლის შემდეგ, დანიის მეფე მისი უფროსი ვაჟი, პრინცი ფრედერიკი გახდება.

”მე ტახტს ჩემს შვილს, გვირგვინოსან პრინც ფრედერიკს დავუტოვებ,” – თქვა მან.
83 წლის მარგრეტე II დანიის ისტორიაში სამეფო ტახტს ყველაზე ხანგრძლივი დროით იკავებდა.  ის ტახტზე ავიდა მამის, მეფე ფრედერიკ IX-ის გარდაცვალების შემდეგ 1952 წელს.

ბრიტანეთის სამეფო ტრადიციისგან განსხვავებით, 55 წლის პრინცი ფრედერიკის ოფიციალური კორონაციის ცერემონია არ გაიმართება. სამაგიეროდ, სასახლე იმავე დღეს გამოაცხადებს მის ტახტზე ასვლას.

დედოფალი მარგრეტე პოპულარული ფიგურაა დანიაში და ბევრი დანიელი ელოდა, რომ ის ტახტზე სიკვდილამდე დარჩებოდა.

ყოველწლიურად საახალწლოდ ის დანიელებს სატელევიზიო ეთერში სიტყვით მიმართავს.

წელს, გარდა ტახტზე უარის თქმის მოულოდნელი განცხადებისა, მარგრეტე II-მ ისაუბრა ახლო აღმოსავლეთსა და უკრაინაში ომებზე, ასევე კლიმატის ცვლილებაზე რეაგირების მნიშვნელობაზე.

დანიის სამეფო ოჯახმა ევროპის სხვა სამეფო ოჯახების მსგავსად, თანამედროვე საზოგადოებაში არსებული პრობლემების წინაშე აღმოჩენის გამო დანიის სამეფო ოჯახმა გადაწყვიტა შეემცირებინა სამეფო ოჯახის წევრებთა რაოდენობა.

ამან გამოიწვია საჯარო განხეთქილება სამეფო ოჯახში გასულ წელს მას შემდეგ, რაც მეფისნაცვლის ფრედერიკის უმცროსი ძმის, პრინც იოაკიმის შვილებს სამეფო ტიტულები ჩამოართვეს.

დიდი ბრიტანეთის სამეფო  პროკურატურამ ბრალი წაუყენა ოთხ მამაკაცს ოქროს უნიტაზის ქურდობაში, რომელიც იტალიელი კონცეპტუალური მხატვრის მაურიციო კატელანის ნამუშევარია სახელწოდებით “ამერიკა”. უნიტაზი ინგლისში 2019 წლის შემოდგომაზე გამოფენიდან მოიპარეს.

ოთხივე ბრალდებული ოქსფორდის სასამართლოში 28 ნოემბერს გამოცხადდება სისხლის სამართლის პროცესის პირველ ეტაპზე, რომელიც დიდხანს გაჭიანურდება, რადგან ბრიტანეთის სასამართლო სისტემა უკვე გადატვირთულია და საქმეები სერიოზულად ჩამორჩება ვადას.

მსოფლიო პრესის ყურადღების ცენტრში  18-კარატიანი ოქროსგან უნიტაზი  ქურდობამდე დიდი ხნით ადრე მოხვდა . ის  დაახლოებით 100 კგ-ს იწონის,  ღირებულება კი  თითქმის 6 მილიონ დოლარად არის შეფასებული.

2016 წელს ის ნიუ-იორკში გუგენჰაიმის მუზეუმში დამონტაჟდა. მის გამოსაყენებლად რიგში 100 ათასი ადამიანი იდგა. ტუალეტის დანიშნულებისამებრ გამოსაყენებლად, წინასწარ უნდა ჩაწერილიყავით სიაში. ყველა მსურველს სამი წუთი ქონდა განკარგულებაში.

კატელანის პირველი პერსონალური გამოფენისთვის დიდ ბრიტანეთში 20 წლის განმავლობაში, ტუალეტი  ბლენჰაიმის სასახლეში, მარლბოროს ჰერცოგების საგვარეულო რეზიდენციაში, ინგლისის ოქსფორდშირის საგრაფოში გადაიტანეს, იმ ოთახის მოპირდაპირედ მდებარე ოთახში, სადაც 1874 წელს უინსტონ ჩერჩილი დაიბადა .

ტუალეტის დამონტაჟებამდე ჰერცოგის ნახევარძმამ ედვარდ სპენსერ-ჩერჩილმა, ბლენჰეიმის ხელოვნების ფონდის დამფუძნებელმა აღნიშნა, რომ ტუალეტის მოპარვა, თუნდაც ვინმეს ასეთი აზრი მოსვლოდა თავში, მარტივი  საქმე არ იქნებოდა.

მან Times-ს განუცხადა: ”პირველ რიგში, ის დაკავშირებულია კანალიზაციასთან და მეორეც, პოტენციურ ქურდს წარმოდგენა არ ექნება, ვინ გამოიყენა ბოლოს ტუალეტი ან რა ჭამა. ასე რომ, არა, მე არ ვაპირებ მის დაცვას.

ტუალეტი მართლაც იყო დაკავშირებული სასახლის კანალიზაციასთან და მისმა ქურდობამ მნიშვნელოვანი ზიანი გამოიწვია დატბორვის გამო.

გამოძახებით მისულმა პოლიციამ მხოლოდ ძვირფასი ხელოვნების ობიექტის გაუჩინარების ფაქტის  და დაღვრილი საკანალიზაციო სისტემის არსებობის კონსტანტირება მოახდინა  იმ ადგილზე, სადაც მანამდე უნიტაზი იდგა.

როგორც ვარაუდობდნენ, გამტაცებლები ნაძარცვთან ერთად ორ მანქანით წავიდნენ. გამოძიების ფარგლებში დაკავებულია რვა პირი, რომლებსაც დეტექტივები ქურდობაში ეჭვმიტანილად თვლიდნენ, თუმცა მათ შესახებ ინფორმაცია ამ დღემდე არ არსებობდა.

უნიტაზის ქურდობის შემდეგ, ბლენჰეიმის სასახლის აღმასრულებელმა დირექტორმა დომინიკ ჰარემ იმედი გამოთქვა, რომ ის, რაც მან აღწერა, როგორც უაზრო ქურდობა, ნამუშევარს უკვდავყოფს. მან დასძინა, რომ ღრმა ირონიაა, რომ ნამუშევარი, რომელიც ასახავს „ამერიკული ოცნებას“ და ელიტარულ საგანს, რომელიც ყველასთვის ხელმისაწვდომია, „ელვის სისწრაფით მოიპარეს და ცნობისმოყვარე თვალებისგან გადამალეს“.

BBC-სთან ინტერვიუში ჰარემ მაშინ თქვა: „ხელოვნების ნიმუშების დემონსტრირება რისკთან არის დაკავშირებული.  ალბათ ყველაზე უსაფრთხოა მათი უბრალოდ სეიფში მოთავსება და ჩაკეტვა. თუმცა, ვფიქრობთ, რომ რისკი ღირს.”

გაბედული ძარცვიდან მალევე, კატელანმა განუცხადა New York Times-ს, თავდაპირველად მას ეგონა, რომ ეს იყო გათამაშება.

„ვინ იქნება ისეთი სულელი, რომ უნიტაზი მოიპაროს? – თქვა მან და აშკარად დაავიწყდა, რომ უნიტაზი სუფთა ოქროსგან იყო დამზადებული.

მოგვიანებით კატელანმა გამოავლინა, რომ უნიტაზი  გამოშვებული სამი ვარიანტიდან ერთ-ერთი იყო.

ჯერ კიდევ გაურკვეველია ოდესმე დაბრუნდება თუ არა მოპარული ხელოვნების ნიმუში – ჯერჯერობით ძებნას არაფერი მოჰყოლია. დაკარგული ნივთის შესახებ ინფორმაციისთვის სადაზღვევო კომპანიამ  100 ათას ფუნტამდე ჯილდო დააწესა, მაგრამ არავინ გამოჩენილა, ვისაც მისი ადგილსამყოფელის შესახებ ინფორმაციის მიწოდება შეეძლო.

„ვნახავთ თუ არა კიდევ ოდესმე ამ უნიტაზს? პირადად მე მაინტერესებს, ექნება თუ არა მას ისევ  ფორმა, სიმართლე რომ გითხრათ“- განუცხადა პოლიციის კომისარმა მეთიუ ბარბერმა მედიას 2021 წელს.  „როცა ვინმეს ხელში ოქროს ამხელა მასა უვარდება, სავარაუდოდ ის მას სხვა ფორმით გაუკეთებს რეალიზაციას. კარგი იქნება, თუ ჩვენ ვიპოვით და დავაბრუნებთ უნიტაზს, მაგრამ პირადად მე არ ვარ დარწმუნებული, რომ იგი პირვანდელ ფორმაში იქნება შემონახული”, – დასძინა მან

კვირას საღამოს, 5 ნოემბერს, დედამიწის სხვადასხვა უთხეში იშვიათი ფენომენის – პოლარული ნათების დანახვა იყო შესაძლებელი, რომელიც, სავარაუდოდ, ძლიერი გეომაგნიტური ქარიშხლის გამო მოხდა.

ცა  ღია ვარდისფერი და მეწამული წითელი გახდა. მეცნიერები ამბობენ, რომ ჩვენს პლანეტას კორონარულმა მასამ შეუტია, რომელიც მზეზე რამდენიმე დღის წინ ამოიფრქვა.

ასტრონომების თქმით, ეს ფენომენი მომავალშიც განმეორდება, თუმცა როდის და სად უცნობია. პოლარული ნათება განსაკუთრებით მკაფიოდ ჩანდა ევროპის ჩრდილოეთ ქვეყნებში.

მოსალოდნელია თუ არა გეომაგნიტური შტორმები უახლოეს დღეებში?

მძლავრი გეომაგნიტური ქარიშხალი დედამიწას ამჟამადაც „უტევს“ – მისი სიმძლავრის გრადაცია (K-ინდექსი) 6 ქულაა. სხვათა შორის, გასულ თვეში ასეთი სიმძლავრის მაგნიტური შტორმები არ დაფიქსირებულა.

მეტეოროლოგების თქმით, ამ შტორმის აქტიურობა სამ დღეს გაგრძელდება და უკვე 8 ნოემბერს კოსმოსური ამინდის მდგომარეობა საგრძნობლად გაუმჯობესდება.

ორშაბათს, 6 ნოემბერს, დედამიწაზე ზომიერი G2 მაგნიტური შტორმია მოსალოდნელი, იტყობინება meteoprog.com. ასეთი სიძლიერის მაგნიტურმა ქარიშხალმა შეიძლება გამოიწვიოს რადიოკავშირების გათიშვა, ელექტრო სისტემების გაუმართაობა და ასევე იმოქმედოს ფრინველებისა და ცხოველების მიგრაციის მარშრუტებზე. ასევე, ამ დონის მაგნიტურმა ქარიშხალმა შეიძლება გავლენა მოახდინოს ამინდისადმი მგრძნობიარე ადამიანებისა და გულ-სისხლძარღვთა დაავადებების მქონე ადამიანების ჯანმრთელობაზე. ამიტომ ამ დღეს განსაკუთრებული ყურადღება უნდა მიაქციონ ჯანმრთელობას.

 

ამერიკელმა მილიარდერის, ილონ მასკის განცხადებით ხელოვნური ინტელექტი მიგვიყვანს იმ ფაქტამდე, რომ კაცობრიობას აღარ მოუწევს მუშაობა და კაცობრიობის მომავლის მთავარი საკითხი იქნება ცხოვრების აზრის ძიება. ამის შესახებ ის ბრიტანეთის პრემიერ-მინისტრ რიში სუნაკს ესაუბრა ხელოვნური ინტელექტის რეგულირებისადმი მიძღვნილი ორდღიანი სამიტის ფარგლებში.რიში სუნაკისა და ელონ მასკის საუბარი ბოლო იყო ორდღიანი სამიტის ფარგლებში, რომელიც ხელოვნური ინტელექტის რეგულირებას ეძღვნებოდა.

პირველი ასეთი სამიტი ბუკინგემშირში, ბლეჩლის პარკში გაიმართა. ორი დღის განმავლობაში ტექნოლოგიების აღმასრულებლებმა, ექსპერტებმა და პოლიტიკოსებმა განიხილეს რეგულირების საფუძვლები და ხელოვნური ინტელექტის ტექნოლოგიების უსაფრთხო გამოყენება.

სამიტის დროს რამდენიმე მსხვილმა ტექნოლოგიურმა კომპანიამ და ქვეყანამ ხელი მოაწერეს ნებაყოფლობით შეთანხმებას, რომელიც მთავრობებს საშუალებას აძლევს გამოსცადონ ხელოვნური ინტელექტის უახლესი მოდელები სოციალური სტაბილურობისა და ეროვნული უსაფრთხოების რისკებისთვის.

შეთანხმებას შეუერთდა მრავალი მსხვილი ტექნოლოგიური კომპანია, მათ შორის OpenAI, Google DeepMind, Amazon, Mistral, Microsoft და Meta .

რიში სუნაკის კითხვაზე, თუ რას ფიქრობდა ილონ მასკი ამ ინიციატივაზე, X-ის მფლობელმა (ყოფილი Twitter) მხარი დაუჭირა მას, რადგან, როგორც მან თქვა, „ჩვენ წლების განმავლობაში ვისწავლეთ, რომ მსაჯის ყოლა კარგია“.

მასკმა OpenAI 2015 წელს დააარსა, მაგრამ რამდენიმე წლის შემდეგ დატოვა ხელოვნური ინტელექტის უსაფრთხოებასთან დაკავშირებული უთანხმოების გამო.

მიმდინარე წლის ივლისში მან დააარსა საკუთარი AI კომპანია xAI.

ელონ მასკი თვლის, რომ მომავლის ერთ-ერთი ყველაზე რთული გამოწვევა იქნება ცხოვრების აზრის პოვნა.

“ახლო მეგობარი და საუკეთესო მასწავლებელი”

ელონ მასკმა არაერთხელ ისაუბრა ხელოვნური ინტელექტის საშიშროებაზე – სამიტამდე ცოტა ხნით ადრე მან გააფრთხილა ყველა, რომ ხელოვნურმა ინტელექტუალმა შეიძლება გამოიწვიოს კაცობრიობის გადაშენება.

„რა მოხდება, თუ ერთ დღეს ჩვენ გავაკეთებთ პროგრამული უზრუნველყოფის განახლებას, და ის აღარ იქნება კეთილმეგობრული“ – თქვა მასკმა ბრიტანეთის პრემიერ-მინისტრთან საუბრისას.

„არსებობს უსაფრთხოებასთან დაკავშირებული პრობლემა, განსაკუთრებით ჰუმანოიდ რობოტებთან დაკავშირებით“–დასძინა მან.

სხვა საკითხებთან ერთად, რიში სუნაკმა და ილონ მასკმა განიხილეს ხელოვნური ინტელექტის პოტენციური სარგებელი.

„ჩემს ერთ-ერთ შვილს უჭირს მეგობრების შეძენა; ამ მხრივ, ხელოვნური ინტელექტის სახით კომპანიონი შეიძლება იყოს მისთვის შესანიშნავი გამოსავალი“, – აღიარა მასკმა.

განათლებაში მასკი თვლის, რომ ხელოვნური ინტელექტი შეიძლება გახდეს „საუკეთესო და ყველაზე მომთმენი მასწავლებელი“.

ელონ მასკი თვლის, რომ მომავალში ხელოვნური ინტელექტის განვითარება გამოიწვევს იმ ფაქტს, რომ ადამიანებს აღარ მოუწევთ მუშაობა.

„ჩვენ ისტორიაში ყველაზე დამანგრეველი ძალის მოწმენი ვართ“, – თქვა მასკმა. ”დადგება დღე, როცა მუშაობა აღარ დაგჭირდებათ – შეგიძლიათ თქვენი სამუშაო სიამოვნებისთვის გააკეთოთ, მაგრამ ხელოვნური ინტელექტი აბსოლუტურად ყველაფერს შეძლებს.”

“ამას აქვს როგორც დადებითი, ასევე უარყოფითი მხარეები”, – განაგრძო მასკმა. ”მომავლის ერთ-ერთი ყველაზე რთული გამოწვევა იქნება ცხოვრების აზრის ძიება.”

მიმდინარე წლის მარტში მასკმა, ხელოვნური ინტელექტის განვითარების სფეროს სხვა წამყვან ფიგურებთან ერთად, ხელი მოაწერა ღია წერილს, რომელიც მოითხოვს ხელოვნური ინტელექტის ტექნოლოგიების განვითარების შეჩერებას სანდო უსაფრთხოების პროტოკოლების შემუშავებამდე და დანერგვამდე.

თუმცა, კრიტიკოსები ვარაუდობენ, რომ ეს ნაბიჯი შეიძლება იყოს დროის მოგების მცდელობა, რადგან მასკი ცდილობს დაეწიოს OpenAI-ს, რომელიც ამ სექტორში ცნობილი გახდა მას შემდეგ, რაც გამოუშვა ChatGPT ჩატბოტი თითქმის ერთი წლის წინ, იტყობინება Financial Times.

მსახიობი სკარლეტ იოჰანსონი  22 წამიან რეკლამაში გამოჩნდა, რომელიც გამოქვეყნდა X/Twitter-ზე ხელოვნური ინტელექტის პროგრამის მიერ, რომელიც გამოსახულებების გენერირებას ახდენს სახელწოდებით Lisa AI: 90s Yearbook & Avatar. მსახიობის წარმომადგენლებმა Variety-ს დაუდასტურეს, რომ იოჰანსონი არ არის აპლიკაციის წარმომადგენელი და მისი ადვოკატი კევინ იორნი სიტუაციის იურიდიული გზით მოგვარებით არის დაკავებული.

რეკლამა იხსნება იოჰანსონის ძველი კლიპით, რომელშიც ის ასახულია Marvel’s Black Widow-ის კულისებში. იოჰანსონი ამბობს: “რა ხდება, ბიჭებო? ეს არის სკარლეტი და მინდა, რომ ჩემთან ერთად წამოხვიდეთ…”. ამის შემდეგ მას პირზე გრაფიკა ედება და ეკრანზე გამოჩნდება ხელოვნური ინტელექტის მიერ შექმნილი ფოტოები, რომლებიც მიუთითებს მსახიობის გარეგნობაზე. შემდეგ იოჰანსონის იმიტირებული ხმა აგრძელებს საუბარს და რეკლამას უკეთებს  ხელოვნური ინტელექტის აპლიკაციას. “ეს არ შემოიფარგლება მხოლოდ ავატარებით. თქვენ ასევე შეგიძლიათ შექმნათ სურათები ტექსტით და თუნდაც თქვენი ვიდეოები ხელოვნური ინტელექტით. ვფიქრობ, ეს არ უნდა გამოტოვოთ”, – ამბობს ხმა, იოჰანსონის ონლაინ კლონი.

Convert Software-ის მიერ შექმნილი Lisa AI-ის რამდენიმე აპლიკაცია რჩება App Store-სა და Google Play-ში. აპლიკაციის შემქმნელი კომენტარს არ აკეთებს.

მსახიობის წარმომადგენელმა დაადასტურა, რომ სკარლეტ იოჰანსონს არანაირი შეხება არ ჰქონდა აპლიკაციასთან და აღნიშნა, რომ ეს სიტუაცია შესაბამისი სამართლებრივი მექანიზმებით მოგვარდება.

ცოტა ხნის წინ, მსგავსი შემთხვევა მოხდა ტომ ჰენკსთან დაკავშირებით, რომელმაც საკუთარი თაყვანისმცემლები სოციალურ ქსელში გააფრთხილა, რომ მისი გამოსახულება უნებართვოდ გამოიყენეს სტომატოლოგიურ რეკლამაში.

The Beatles-მა წარმოადგინა ოფიციალური ვიდეო სიმღერისთვის Now and then, რომლის რეჟისორია პიტერ ჯექსონი. მან ვიდეოს შესაქმნელად გამოიყენა ხელოვნური ინტელექტი.ეს არის ბოლო სიმღერა, რომელზეც მუშაობა დაიწყო ჯონ ლენონის სიცოცხლეში, 1970-იან წლებში, მაგრამ დაუმთავრებელი დარჩა.

1995 წლის თებერვალში პოლ მაკარტნის, ჯორჯ ჰარისონსა და რინგო სტარს სურდათ სიმღერის გამოშვება, მაგრამ ვერ შეძლეს, რადგან შეუძლებელი იყო ფირზე 1970–იან წლები ჩაწერილი ჯონ ლენონის ვოკალის იზოლირება.

„მაგრამ 2022 წელს მოხდა ბედნიერი შემთხვევთობა. პიტერ ჯექსონისა და მისი გუნდის მიერ შემუშავებულმა პროგრამულმა სისტემამ, რომელიც გამოიყენებოდა დოკუმენტური სერიალის The Beatles Get Back-ის წარმოებაში, შესაძლებელი გახადა ჯონის ვოკალს მისი საფორტეპიანო ნაწილისგან განცალკევება. შედეგად, ორიგინალური ჩანაწერის გაცოცხლება და ხელახლა დამუშავება შესაძლებელი გახდა ოთხივე ბითლზის მონაწილეობით. ეს შესანიშნავი მუსიკალური არქეოლოგია ასახავს The Beatles-ის უსაზღვრო შემოქმედებით ცნობისმოყვარეობას და მათ საერთო გატაცებას ტექნოლოგიით. ეს ნიშნავს ბოლო ჩანაწერის დასრულებას, რომელსაც ჯონი, პოლი, ჯორჯი და რინგო ერთად გააკეთებდნენ და აღნიშნავს პოპულარული მუსიკის ისტორიაში ყველაზე გამორჩეული და გავლენიანი ჯგუფის მემკვიდრეობას“, – ნათქვამია ვიდეოს წარწერაში.

ვიდეო კადრებში შეგიძლიათ ნახოთ არა მხოლოდ ჯგუფის ცოცხალი წევრები პოლ მაკარტნი და რინგო სტარი, არამედ 1980 წლის 8 დეკემბერს მოკლული ჯონ ლენონის და 2001 წელს კიბოთი გარდაცვლილი ჯორჯ ჰარისონის კადრები.

ახალმა კვლევამ აჩვენა, რომ ზომიერი ან ენერგიული ვარჯიშის 22 წუთი მნიშვნელოვნად შეამცირებს სიკვდილიანობის რისკს 50 წელს გადაცილებულ ადამიანებში.

კვლევა მიუთითებს რომ უმოძრაო ცხოვრების წესი ფართოდ არის გავრცელებული და ადამიანების დიდი ნაწილი დღეში 8 საათზე მეტს მჯდომარე მდგომარეობაში ატარებს.

ბრიტანული სპორტული მედიცინის ჟურნალის მიერ გამოქვეყნებულმა ახალმა კვლევამ აჩვენა, რომ დღეში 22 წუთიანი ზომიერი და ენერგიული ფიზიკური აქტივობა ამცირებს სიკვდილის რისკს, თუ თქვენ გაქვთ მჯდომარე ცხოვრების წესი. კვლევა მოიცავდა 11,989 მონაწილის მონაცემების ანალიზს ნორვეგიაში, შვედეთსა და აშშ-ში.

კვლევაში ჩართული ყველა მონაწილე  50 წელზე უფროსი ასაკის იყო.

დოქტორი კარლ ცირინო, ორთოპედი ქირურგი ნიუ-იორკის სპეციალური ქირურგიის ჰოსპიტალში, ამბობს, რომ კვლევაში პრაქტიკოსებისა და პაციენტებისთვის მნიშვნელოვანი  ინფორმაციაა თავმოყრილი:

„ჩვენ ყველანი დატვირთული ცხოვრებით ვცხოვრობთ, გადავედით მონადირე-შემგროვებელი მომთაბარე ცხოვრების წესიდან, ლამაზ ბინებში და სახლებში ცხოვრებაზე, განათებითა და ელექტროენერგიით, კომფორტით. თუმცა, რაც არ უნდა ფუფუნებაში ვცხოვრობდეთ, აუცილებელია გამოვიდეთ გარეთ და ვიყოთ ისეთივე აქტიურები, როგორებიც ასობით წლის წინ ვიქნებოდით.

ეს კვლევა განსაზღვრავს, თუ რა დროა საჭირო დღეში ადამიანებისთვის, რათა შეამცირონ სიკვდილიანობის რისკი და მინიმუმამდე დაიყვანოს იგი მართლაც ძლიერი სამეცნიერო მეთოდით.  ვფიქრობ, ეს მართლაც მნიშვნელოვანი მცდელობა იყო.“

რაც კვლევამ დაადგინა

მონაცემები შეგროვდა ბარძაყის აქსელერომეტრით, რათა დაედგინათ, როდის იყვნენ ადამიანები უძრავ და აქტიურ მდგომარეობაში. მკვლევარებმა დაადგინეს, რომ მათთვისაც კი, ვინც დღე-ღამეში 12 ან მეტი საათის განმავლობაში მჯდომარე მდგომარეობაში იყო, სიკვდილიანობის რისკი აღმოიფხვრა, თუ აქტიური მდგომარეობის ზღვარი 22 წუთიანი იყო.

მათთვისაც კი, ვინც ბოლომდე ვერ აღწევდა  22 წუთიან ნიშნულს,  ზოგიერთი ზომიერი ან ენერგიული აქტივობა მაინც ნიშნავდა სიკვდილიანობის რისკის შემცირებას.

მაგალითად, მათთვის, ვინც 10 წუთს უთმობდა ფიზიკურ აქტივობას,  მჯდომარე მდგომარეობაში კი დღეში 6 საათს ატარებდა,  სიკვდილიანობის რისკი 32%-ით მაინც შემცირდა.

მიუხედავად იმისა, რომ კვლევა ფოკუსირებული იყო ხანდაზმულებზე, დოტორი ტრეისი ზასლოუ, პირველადი ჯანდაცვის სპორტული მედიცინის ექიმი Cedars Sinai Kerlan-Jobe Institute-ში, ამბობს, რომ ამ კვლევის შედეგებმა შესაძლოა გავლენა მოახდინოს ახალგაზრდებზეც.

„ვფიქრობ, ეს არის შეხსენება ჩვენი ახალგაზრდა სპორტსმენებისთვის და არასპორტსმენებისთვის, ახალგაზრდებისთვის და მოზარდებისთვის, რომ მათთვის ძალიან მნიშვნელოვანია კუნთების სიძლიერის და გულ-სისხლძარღვთა ჯანმრთელობის შენარჩუნება, რათა შეძლონ ფიზიკური აქტივობის შენარჩუნება. რაც უფრო მეტს აკეთებენ ისინი ახალგაზრდობაში, რაც უფრო ძლიერია ეს საფუძველი, მით უფრო ადვილია მისი შენარჩუნება, როდესაც ისინი მოხუცდებიან. ”

ენერგიული თუ ზომიერი აქტივობა

ისეთ აქტივობას, როგორიც არის სწრაფი  ნაბიჯით სეირნობა და გაზონის კრეჭა სპეციალური აპარტით, ექსპერტები ზომიერი აქტივობის მაგალითებად თვლიან იმ დროს, როცა ლაშქრობები ან კალათბურთის თამაში, როგორც წესი, ენერგიულ აქტივობად ითვლება.

როგორც ცირინო ამბობს,  ზოგიერთი ადამიანი სხვადასხვა მიზეზების, მაგალითად ოპერაციის გამო კარგავს წვდომას მათთვის სასურველ ფიზიკურ აქტივობასთან, ეს კვლევა კი მათ დაეხმარება განსაზღვრონ, რომელი აქტივობა შეესაბამება მათ მიზნებს ჯანმრთელობის თვალსაზარისით და ამავე დროს, მათთვის უსაფრთხო იქნება.

მკვლევარები ამბობენ, რომ არ არის აუცილებელი ყველა ინტენსიურად დარბოდეს ან ველოსიპედით დადიოდეს, ჩოგბურთს თამაშობდეს ან აქტიურად იყოს დაკავებული სპორტის სახეობით ან ვარჯიშით სავარჯიშო დარბაზში. მთავარია იმოძრაოთ, თუნდაც იაროთ შენობაში, გააკეთოთ ჩაჯდომები, ადით და ჩამოდით კიბეზე, გააკეთეთ მსუბუქი ვარჯიშები და მოძრაობები. მოძებნეთ გზა ფიზიკური აქტივობისთვის ნებისმიერ სიტუაციაში. სულ არაფერს ეს ნამდვილად ჯობს.

მკვლევარები ვარაუდობენ, რომ ხანდაზმული ადამიანების წახალისებას, მონაწილეობა მიიღონ თუნდაც მცირე აქტივობებში, შეიძლება მათთვის მკურნალობის ეფექტი ქონდეს. მათი თქმით, მნიშვნელოვანია ძალისხმევა დაიხარჯოს ახალგაზრდებში და ბავშვებში უმოძრაო ცხოვრების წესით გამოწვეული ზიანისა და რისკების შემცირების კვლევაში.

ჯერჯერობით კი, გამონახეთ დღეში თუნდაც 22 წუთი წუთიანი ზომიერი ან აქტიური ფიზიკური აქტივობისთვის, რაც  მნიშვნელოვნად ამცირებს რისკებს, რომლებსაც ხანგრძლივი ჯდომა და ცხოვრების უძრავი წესი გვიქმნის.