Author: news

(more…)

{{ARTICLEIMAGE}}
ცესკო-ში კენჭისყრის დასრულების შემდეგ თამარ ჟვანიამ შედეგებზე პირველი კომენტარი გააკეთა. მან საკუთარ უპირატესობაზე მიანიშნა და აღნიშნა, რომ მას განსხვავებული გამოცდილება აქვს.

“მინდა აღვნიშნო, რომ პირველი თავმჯდომარე ვარ, რომელმაც სრული ვადა გავძელი და გავიტანე ასე ვთქვათ ბოლომდე და სრულყოფილად დავასრულე ჩემი პირველი ვადა, რომელიც დასრულდა ამ არჩევნების დასრულებისთანავე. მე ვფიქრობ, რომ ის გამოცდილება არც მე საარჩევნო ადმინისტრაციაში მივიღე არის ძალიან განსხვავებული იმ პერსპექტივიდან, რაც მე 5 წლის წინ მაგალითად მეგონა, რომ საარჩევნო ადმინისტრაციაში იყო”, განაცხადა თამარ ჟვანიამ.

ცესკო-მ ახალი თავმჯდომარე აირჩია. 8 ხმა მიიღო თამარ ჟვანიამ, 1 – ლადო ბოჟაძე. ცესკოს თავმჯდომარის არჩევაში მონაწილეობა არ მიუღია ოპოზიციას. ​ენმ-ს და “ევროპული საქართველოს” წარმომადგენლებს. მათ სხდომა პროტესტის ნიშნად კენჭისყრის დაწყებამდე დატოვეს.

ოპოზიციონერ დავით კირთაძის განცხადებით, კენჭისყრა ფარსია და ხელისუფლება აპირებს, დამსახურება დაუფასოს ცესკო-ს ყოფილ თავმჯდომარეს თამარ ჟვანიას და უპრეცედენტო გაყალბებისა და დარღვევების ფონზე ჩატარებული არჩევნების მიუხედავად, ის მეორე ვადით დატოვოს თავმჯდომარის თანამდებობაზე.

“როდესაც ხელისუფლება აყალბებდა არჩევნებს, ცესკო-ს არათუ რეაგირება მოუხდენია, არამედ, პირიქით, აღნიშნული გაყალბების პროცესში იყო ჩართული და შესაბამისად, ამ ადმინისტრაციის მიერ ხელშეწყობილმა პრეზიდენტმა დაუბრუნა ხარკი ასევე თავმჯდომარეს და წარმოადგინა უკან, რომელიც სავარაუდოდ, დღეს 14:00 საათზე იქნება არჩეული, განაცხადა დავით კირთაძემ.

ლადო ბოჟაძე და მარიამ შელეგია შერჩევის ეტაპზე არათანაბარ და არაკონკურენტულ გარემოზე საუბრობენ და აცხადებენ, რომ თამარ ჟვანიასთან შედარებით მათი არჩევის შესაძლებლობა დაბალია.

საქართველოს ცენტრალური საარჩევნო კომისიის თავმჯდომარეობის კანდიდატი, ლადო ბოჟაძე ამბობს, რომ თამარ ჟვანიასთან კონკურენცია საკმაოდ რთულია, რადგან ის საარჩევნო ადმინისტრაციაში 5 წლის განმავლობაში მუშაობდა.

“ჩვენ ვერ ვართ თანაბარ პირობებში იმ მარტივი მიზეზის გამო, რომ თამარი არის მოქმედი თავმჯდომარე, აქ მხოლოდ ხმის მიცემაზე არ არის საუბარი, აქ საუბარია იმაზე, რომ ის ამ ადამიანებთან მუშაობდა წინა 5 წლის განმავლობაში და მათთან აქვს როგორც პირადი, ასევე საქმიანი ურთიერთობები და აქედან გამომდინარე, მათთვის ჩვენთან შედარებით თამარი არის სწორედ საუკეთესო კანდიდატი”, ამბობს ბოჟაძე.

არათანაბარ პირობებზე საუბრობს საქართველოს ცენტრალური საარჩევნო კომისიის თავმჯდომარეობის კანდიდატი მარიამ შელეგიაც. მისივე თქმით, არასწორია, როდესაც ცესკო-ს წევრებს პარლამენტი ირჩევს, ხოლო თავმჯდომარეს თავად წევრები.

“არ არის სწორი როდესაც ცესკო-ს წევრს ირჩევს პარლამენტი , ხოლო ცესკო-ს თავმჯდომარეს, რომელსაც ყველაზე მაღალი ლეგიტიმაცია უნდა გააჩნდეს, ირჩევს ის 12 წევრი, რომელიც წლების განმავლობაში ერთად მუშაობდნენ, ამიტომ ცოტა არათანაბარი პირობებია სხვა კანდიდატებს და მოქმედ თავმჯდომარეს შორის, რომელიც თვითონ აძლევს ხმას თავის თავს”, ამბობს შელეგია.

საქართველოს პირველი პრეზიდენტის ზვიად გამსახურდიას შვილი კონსტანტინე გამსახურდია, რომელიც ძმასთან ერთად პროკურატურის შენობაში მე-11 დღეა შიმშილობს, ალადაშვილის სახელობის კლინიკაში გადაიყვანეს. მას თავბრუსხვევა აღენიშნებოდა, ამიტომ  გამოკვლევები უტარდება.

გამსახურდიების პროტესტის უკიდურესი ფორმის შემდეგ, პირველი პრეზიდენტის გარდაცვალების საქმის ხანდაზმულობის ვადის გაგრძელებაზე პარლამენტი კანონს დაჩქარებული წესით მიიღებს.  დეპუტატები საკითხს კენჭს ერთ საათში ბიუროს სხდომაზე უყრიან.

საქართველოს პირველი პრეზიდენტის ოჯახის ადვოკატი კი გამსახურდიას მკვლელობის საქმეზე სპეციალური საგამოძიებო ჯგუფის შექმნას მოითხოვს. ამირან გიგუაშვილი ამბობს, რომ საქმის გამოძიებას ოჯახის ნდობით აღჭურვილი პირი უნდა გაუძღვეს.

საქართველოს პირველი პრეზიდენტის მკვლელობის გამოძიების მოთხოვნით, კონსტანტინე და ცოტნე გამსახურდიები მეთერთმეტე  დღეა, პროტესტს უკიდურესი ფორმით გამოხატავენ. ისინი მმართველი გუნდის გადაწყვეტილებას ხანდაზმმულობის ვადის გაგრძელებასთან დაკავშირებით მიესალმებიან, თუმცა ამბობენ რომ გამოძიების დროულად დასრულებაა საჭირო.

2019 წელს ყველაზე ცხელ რეგიონებად, სადაც შეიძლება მესამე მსოფლიო ომი დაიწყოს ისევ რჩებიან: სამხრეთ–ჩინეთის ზღვა, უკრაინა, სპარსეთის ყურე და კორეის ნახევარკუნძული. ამის შესახებ ჟურნალ The National Interest –ში აშშ–ს არმიის სამხედრო კოლეჯის პროფესორი, რობერტ ფარლი წერს.

ფარლის აზრით ერთ–ერთი ცხელი წერტილია სამხრეთ–ჩინეთის ზღვა, რომელშიც აშშ–სა და ჩინეთს შორის დაპირისპირება განვითარდა. ეს ორი ქვეყანა ერთმანეთთან სავაჭრო ომს აწარმოებს. ჯერჯერობით ბრძოლა ეკონომიკური სანქციებით და ტარიფებთან დაკავშირებული დავებით შემოიფარგლება, თუმცა ორმხრივი ურთიერთობების გაუარესების შემთხვევაში ავტორის აზრით კონფლიქტი შეიძლება ეკონომიკურ ფარგლებს გასცდეს.

მესამე მსოფლიო ომის დაწყების კიდევ ერთ ადგილად ფარლი უკრაინას ასახელებს. ის იხსენებს ქერჩის სრუტეში ცოტახნის წინანდელ ინციდენტს და აღნიშნავს, რომ ამან რეგიონში დაძაბულობის ზრდა გამოიწვია. ავტორი ვარაუდობს, რომ რუსეთი სავარაუდოდ არ არის დაინტერესებული სტატუს ქვოს დარღვევაში უკრაინაში არჩევნების წინ, რომელმაც სიტუაციაში შეიძლება გაურკვევლობა შემოიტანოს. აშშ–სა და რუსეთს შორის დაძაბულობის შენარჩუნების გათვალისწინებით მცირე რყევებმაც კი შეიძლება დაარღვიოს მყიფე ბალანსი, რომელიც რეგიონში ბოლო რამდენიმე წლის მანძილზე ნარჩუნდება.

{{ARTICLEIMAGE}}

მესამე ცხელ რეგიონად პროფესორის აზრით სპარსეთის ყურე რჩება. აქ დაძაბულობა ირანზე აშშ–ს ეკონომიკური ზეწოლისა და იემენში და სირიაში კონფლიქტების გამო იზრდება. რეგიონის სტრატეგიული მნიშვნელობის გამო აქ არასტაბილურობის ნებისმიერმა გამოვლინებამ შეიძლება გამოიძვიოს ღია შეტაკება აშშ–ს, რუსეთსა და ჩინეთს შორისაც კი.

დაძაბულობის მეოთხე წერტილი კორეის ნახევარკუნძულია, მიუხედავად აშშ–სა და კორეის სახალხო რესპუბლიკის ბოლოდროინდელი სამშვიდობო ინიციატივებისა. პროფესორის აზრით ვაშინგტონსა და ფხენიანს შორის ურთიერთობები ნებისმიერ მომენტში შეიძლება გაფუჭდეს. უფრო მეტიც, კორეის საკითხთან დაკავშირებით უთანხმეობა სხვა მნიშვნელოვან მოთამაშეებს შორისაც არსებობს. ეს არის ჩინეთი და იაპონია.

ფარლის აზრით აშშ–სა და ჩინეთს შორის ურთიერთობების გაფუჭება სამომავლოდ “უბედურების მომასწავებელია“. ცხელი წერტილები კი დროთა განმავლობაში შესაძლოა სხვა რეგიონებშიც გაჩნდეს. ამასთან, აშშ–ს სამხედრო ჰეგემონიის და არსებული მსოფლიო წესრიგის კრიზისი იმაზე მოწმობს, რომ უახლოესი მომავალი შესაძლოა უფრო საშიში იყოს, ვიდრე უახლოესი წარსული – წერს ფარლი.

კიდევ ერთი საფრთხე შესაძლოა ინდოეთ–პაკისტანის ურთიერთობიდან მოდიოდეს. ამ ორ ქვეყანას შორის ომი ნებისმიერ დროს უამრავი მიზეზით შეიძლება განახლდეს. მაგალითად, თუ პაკისტანის მიერ დასპონსორებული ტერორისტები კიდევ ერთ თავდასხმას განახორციელებენ ინდოეთში, შესაძლოა ამ უკანასკნელის მოთმინება ამოიწუროს. შესაძლოა სახელმწიფოები ომში ჩართული აღმოჩნდნენ იმ მოთამაშეების მიერ, რომლებიც სახელმწიფოგან უშუალოდ არ კონტროლდება. ინდოეთსა და პაკისტანს შორის დაძაბულობა წლებია გრძელდება. საქმის გართულების შემთხვევაში არ არის გამორიცხული საქმე ატომური იარაღის გამოყენებამდეც მივიდეს. სტატიის ავტორის აზრით ამ ორი ქვეყნის დაპირისპირების მიღმა ვერც აშშ და ჩინეთი დარჩებიან.

(more…)

{{ARTICLEIMAGE}}
წავკისში მომხდარი მკვლელობის ერთ-ერთ ვერსიაზე მოკლულის მეზობელი საუბრობს. მისი ინფორმაციით, ორი ახალგაზრდა საქმის გასარჩევად სახლიდან გაიყვანეს. მეზობელი ამბობს, რომ სახლიდან გაყვანის მიზეზი მკვლელობამდე მომხდარი ერთი ფაქტი გახდა. კერძოდ კი, “ხანჯლით შეიარაღებულ პირებს ახალგაზრდებმა ავარიის დროს ავტომობილის სარკე გაუტეხეს  და სწორედ ამას უკავშირდება მკვლელობაც”. მეზობელი იმასაც ამბობს, რომ საქმეზე ორი ადამიანია დაკავებული და ისინი ტაბახმელიდან არიან. 

გუშინ საღამოს, წავკისში ახალგაზრდებს შორის მომხდარი დაპირისპირებისას ორი მამაკაცი მოკლეს. მათ ჭრილობა ცივი იარაღით აქვთ მიყენებული. გარდაცვლილები 26 და 28 წლის ახალგაზრდები არიან. დაჭრილია კიდევ ორი ადამიანი. ისინი სასწრაფო სამედიცინო დახმარების თანამშრომლებმა საავადმყოფოში გადაიყვანეს. ქირურგიული ჩარევის შემდეგ მათი მდგომარეობა სტაბილურია.


სამართალდამცავი უწყება დაპირისპირების ადგილზე ღამის განმავლობაში მუშაობდა. ჯერჯერობით უცნობია მომხდარის მიზეზი. ოფიციალური ინფორმაციით დაკავებული ამ დროისთვის არავინ არის.