“ჩემი ხელით მოვუდუღებ ყავას” – ხოშტარია გახარიას მიმართავს

„ევროპული საქართველო“ გიორგი გახარიას წინადადებას ეხმაურება და მინისტრს  ყავაზე ეპატიჟება. ელენე ხოშტარიას თქმით, ის მზადაა, გახარიას ყავა თავად მოუდუღოს, თუ მინისტრი შეკითხვებს უპასუხებს.

„დღეს შინაგან საქმეთა მინისტრთან არის ძალიან სერიოზული კითხვები და მას მოუწევს, ძალიან სერიოზული პასუხების გაცემა. თუ მას აშინებს კომიტეტის კედლები, თუ მას აშინებს კომიტეტსა და პარლამენტში მოსვლა, მინდა შევთავაზო, ჩემი ხელით მოვუდუღებ ყავას, მობრძანდეს და გასცეს ყველა ამ კითხვას პასუხი. გიორგი გახარიამ ნებისმიერი ადგილი და დრო დაასახელოს, ერთადერთი ჩემი პირობაა , ჩემი ხელით მოდუღებული ყავა უნდა დალიოს და კითხვებს გასცეს პასუხი,’ – განაცხადა ელენე ხოშტარიამ.

გახარიამ ევროპულ საქართველოს გუშინ მიმართა.

“თუ “ევროპული საქართველოს” რომელიმე ლიდერს სურს დამატებით კიდევ ჩემი ნახვა, შეუძლიათ დამპატიჟონ ყავაზე და მივალ, დაველაპარაკები. ”-განაცხადა გიორგი გახარიამ.

შინაგან საქმეთა მინისტრი პარლამენტში 3 მაისს არის დაბარებული. “მინისტრის საათის” ფორმატში გახარია დეპუტატების შეკითხვებს უპასუხებს.